Fluffy Toys over and out

Rani Christiansen trummari í Fluffy Toys í einari heldur akrobatiskari trumman

Tað er synd at siga, at nógv fólk vóru í Mentanarhúsinum í Fuglafirði og søgdu farvæl, við 70’ara kenda dansibólkin Fluffy Toys. Men tey sum vóru har, dansaðu og svingaðu, sum ongantíð fyrr, tá bólkurin leveraði vøruna. Men ikki nógv meira enn tað.

 

Fyrsta settið hjá bólkinum, var væl spælt og koyrdi stak væl, uttan tó ordiliga at fara á flog. Tað tyktist, sum um bólkurin spældi væl, og sangarin sang væl, men ikki heilt saman. Kemiðin manglaði á onkran hátt. Hetta kemst kanska av, at tað er langt síðan teir allir spældu saman. Meðan allir uttan sangarin júst hava luttikið í prixnum undir navninum EGR2PLZ.

 

Seinna sett varð nógv betur. Bólkurin virkaði meira tendraður, sum um teir vildu njóta hesa síðstu løtuna saman. Alt koyrdi bara eitt vet betur. Røddin hjá Einar byrjaði tó tíðiliga í settinum, at ganga fyri. Men hann kom í gongd aftur, og sang bólkin fram til tann stóra endan, sum varð fyrst “Summer of 69” og síðan “We’re not gonna take it”, í seinasta lagnum varð tað rokk’n’roll fyri allar pengarnar, við gittar fektan, og trummusláðara sum stóð uppi á stólinum. Fluffy Toys vórðu lagdir í grøvina. Men við pallin stóðu ungir menn, og róptu umaftur, umaftur og umaftur. Men eingin kom.

One thought on “Fluffy Toys over and out”

Leave a Reply

Your email address will not be published. Required fields are marked *