Norðurlandahúsið hevur tryggjað sær, at ljósviðurskiftini á AME-Føroyar komandi vikuskiftið verða í heimsflokki. Besti føroyski ljósmaðurin Egil B. Hansen er settur á uppgávuna.
Tað er longu frammanundan greitt, at tónleikurin á Atlantic Music Event verður í heimsflokki, tá Jonas Molinder, Angu, Sic, 200, AVE, Gestir, Marius, Ampop, Eivør, Deja Vu, Høgni Lisberg, Grand Island, Lena Anderssen og Die Dummen Dänen fara á pall komandi vikuskiftið. Men nú kunnu vit avdúka, at konsertirnar eisini fara at síggja út í heimsflokki.
Føroya fremsti ljóssnillingur Egil B. Hansen kemur heim úr Danmark, har hann búleikast og starvast, sum ljóstøkningur.
Egil hevur fleiri gjørt tað flotta ljósið, sum hevur verið til t.d. Prix Føroyar finalurnar og hópin av øðrum stórum tiltøkum í Føroyum. Vit eru sera spent, hvat Egil fer at finna uppá!. Ljósið hjá Egil er altíð ein listarlig uppliving í sær sjálvum, siga fyrireikararnir á ame.fo.