Yrking, ið eg skrivaði til tiltakið, Yrkingar og Jassur á Vetrarjassi 2023, íblást av at fylgja einum javnaldri til gravar.
Tá javnaldrar doyggja
buka tankar uppá
Skuldi eg ringt til Magna Husgaard
sagt, at um hann yvirlivir meg,
skal hann spæla urgu í til mína jarðarferð?
Vit eru javnaldrar, Magni og eg
Vit gingu í barnagarði saman
Hann er faktiskt havnarmaður
Spælir við í bólkinum
Einki er betri fyri eina jarðarferð enn ein góður urguleikari
Magni er góður urguleikari
Ella jú faktiskt, ein góð prædika er betri
Skuldi eg ringt til Theodor Eli, og sagt, at hann skal vera prestur?
Hann er nakað yngri enn eg
Hann kennur meg
Tað er nakað serligt við eini prædiku
tá prestur kennur tann farna
Soleiðis var til hesa jarðarferðina
Eg flenti hart einaferð
Fangaði meg í tí
Var tað rætt at flenna til eina jarðarferð?
Hvørjar sálmar skal eg velja?
Tey skulu spæla Umsúkling, tá eg blívi borðin út
tað veit eg!
Malan og Arina kundu sungið, um teirra røddir yvirliva meg
og Katrin og Ragnheiður.
Júst sum tær gjørdu fyri 25 árum síðan í West River Studio
Eg hugsi um Jan, sum við ognaðu Umsúkling til
Hann fór eisini ov ungur, alt ov ungur
Eg verið 50 í mars
Meira enn dupult so gamal, sum Jan varð
Nær er man ov gamal at fara og ov ungur?
Skuldi eg tosa við Biritu um eitt testamenti?
Og hvussu skal testamentið ljóðað?
Skal eg skriva
Magni Husgaard, organistur
Theodor Eli, prestur
Umsúkling við Maluni, Arinu, Katrin og Ragnheiður?
Skulu synirnir arva Nudlavirkið?
Ella Gunn?
Hvat skulu tey brúka tað til?
Ella skulu starvsfólkini arva tað?
Kanska ein kombinatión
Eg eri glaður, at babba seldi Faroe Agency
So vit Ikki arvaðu tað
Tað hevði verið ein byrða
eisini áðrenn Rusland leyp á Ukraina
Men Tummas vil vera grafikkari
Marius er kreativur
Magnus hevði ivaleyst dugt forrætningspartin
betri enn eg
Mikal hevði ongan áhuga havt
Ivaleyst heldur ikki hinir
Hvussu nógv fólk, munnu koma til jarðarferðina?
Hevði Bárður, ið eg nú fylgi komið í mína jarðarferð?
um hann yvirlivdi meg
Hvussu høvdu fólk minst meg?
Hvat havi eg lagt eftir mær?
Synirnir
Sloganið “Skilur tú”
Yrkingina “Skúlating” í lesibókini fyri 7. flokk
MC-Hár
Rættin av rópa “SPERM!” útyvir eina fjøld
Man fer at hugsa
Tá javnaldrar doyggja