Gamaní, Ozzy hevði astma innhalator við á pallin, og drakk te úr einum koppi, í staðin fyri eina whiskey fløsku og hasjsigarett. Rukkuttu fingrarnir hjá Geezer og Tony sóu margháttligir út á stóra skíggjanum við pallin, meðan teir vundu tungan tónleik úr sínum gittarum. Ótrúligt at sovorðin djevlaljóð kunnu koma úr so gomlum monnum.
Nú Ozzy Osbourne fór foldum frá, stakk eg hondina niður í Lippukassan eftir hesum ummælinum av tí upprunaliga tungmálmsbólkinum, einaferð hann vitjaði í Danmark við Ozzy Osbourne á odda. Hetta ummældi eg fyrst í juli 2005 ella við øðrum orðum, 20 ár áðrenn Back to the Beginning konsertina í Birmingham..
Ozzy hevur fylgt mær síðan Leivur Johannesen spældi Black Sabbath fyri mær einaferð í 80’unum. Eg lánti nakrar plátur heim við, og kopieraði teir bestu sangirnir á kassettubond. Men við tíðini ognaði eg mær fyrst fløgur og síðan LP’ir við Black Sabbath og Ozzy Osbourne.
Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum.
Photo credit: Toke_j / Foter.com / CC BY-NC-SA