Fríggjakvøldið kl. 19.00 kappast Føroyar, Ísland, Grønland, Norðurkanada, Alaska, Norðurnoregi, Norðursvøríki, Norðurfinland og russiska Arktis í Pan Arctic Vision í Norðurlandahúsinum.
Hetta er eitt upplagt høvi hjá teimum, ið vilja stuðla Føroyum, uttan at fara á Tórsvøll.
Tónleikanøvn úr hesum londum eru seinastu dagarnar komin til Føroyar, og talan er veruliga um ein fjølbroyttan skarða.
Nógv verður gjørt burturúr og tiltakið verður stroymt til allan heimin, og júst sum í Eurovision kunnu bæði áskoðarar í salinum, og kring heimin atkvøða um hvør skal vinna.
Í øllum londunum verður skipað fyri tiltøkum, og umboð fyri londini kunngera atkvøðurnar frá sínum landi.
Undanfarin ár hava Guðrið Hansdóttir, Ester Skála og Dóttir umboða Føroyar, í ár er tað Marius DC, ið kappast fyri Føroyar. Á heimavølli hava vit tí møguleika at stuðla honum, møtið fjølment!
Annie Bartholomew við Kat Moore (Alaska)
Piunguałaq & Tooma(Norðurkanada)
Nuunu (Grønland)
Falinn Gjóður (Ísland)
Marius DC (Føroyar)
Ivar Beddari (Norðurnoreg)
Klara Pasma ( Norðursvøríki)
Niko Valkeapää & Miro Mantere (Norðurfinnland)
Roman Gladyshev (í útlegd, umboðandi russiska Arktis)
