Jólakalendarin 19. desember – dagsins gáva til tín

Burkatest

\"nissa_small\"Vælkomin til burkakvissina, fyri at hátíðarhalda fjølbroytni, fara vit at kanna, hvussu væl tú hevði kent okkara fremstu tónleikafólk, um tey vóru muslimskar kvinnur í burka.


myndirGóðu fittu Nudlalesarar

Nú í jólamánaðinum, er ein jólakalendari er á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.
Tykkum ynskist ein góður jólamánaði.

Jólakalendarin 18. desember – dagsins gáva til tín

Mín kalendaragáva til tykkum í kvøld er nýggi sangurin, ið Sirkus All Stars hava spælt inn hesi jólini, hann er longu nógv spældur og deildur á Facebook, men nú eg gangi og murri hann alla tíðina, so haldi eg eisni, at hann er ein hóskandi gáva til tykkum øll. Tey sum hava hoyrt hann áður, kunnu fegnast um at hoyra hann aftur:

Sirkus All Stars – Jól for fanin

Í salari jóla peppan uppfordraðu Sunneva Háberg Eysturstein og Joel Briem Benjamin Petersen g og Vetur Jólson at gera eitt jóla lag til Sirkus. 2 dagar seinni fóru Benjamin og Petur og keyptu sær ein pakka av pipparnøtum og skrivaðu hetta lag.
Við sær høvdu teir  nakrar av bestu song røddum í føroyum!! !
Hans Marius Ziska Rebekka Petersen Lisa Í Dali Bárður Næs Lyon Hansen Pætur Zachariasson Finnur Koba


 

Góðu fittu Nudlalesarar

nissa_smallNú í jólamánaðinum, er ein jólakalendari er á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.
Tykkum ynskist ein góður jólamánaði.

Jólakalendarin 17. desember – dagsins gáva til tín

Eitt sindur av reinum jólahugna Ceelo style  til tykkum í kalendaranum í dag.

Góðu fittu Nudlalesarar

Nú í jólamánaðinum, er ein jólakalendari er á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.
Tykkum ynskist ein góður jólamánaði.

Valagnið slóknaði skjótt

Nakað fyri býráðsvalið í ár, møtti eg fleiri valevnum úr fleiri ymiskum flokkum, ið øll vóru serstakliga blíð, og eg kærdi mína neyð um manglandi gøtuljósini undir Kongavarða, og vandan tí so nógv skúlabørn av Argjum ganga hendan vegin á veg í skúla. Allir sum ein lovaðu gøtuljós, og tá tey ljósini endiliga lýstu, settu tveir av teimum seg í samband við meg, og boðaðu frá, at teir høvdu boðað frá á røttum stað.

myrktØgiliga deiligt, og alt hatta har, men nú ein mánað aftan á valið er aftur bølamyrkt eftir vegnum inn undir Kongavarða líka frá gomlu høllini hjá Valbirni og inn til húsini. Eg veit ikki, um tað er tí, at eg ikki atkvøddi fyri teimum, ella tí hvørgin av teimum kom inn, men valagnið er helt í øllum førum sera stutt.

Vit bilførarar koyra nærum slalom ímillum børnini, tá vit um morgunin koyra okkara egnu børn yvir í skúlan, tá vit ikki tora at lata tey ganga. Tá eg so onkran morgun ikki fái koyrt dreingirnar er tað við bivandi hjarta og endurskinum, at eg sendi teir út.

Jólakalendarin 16. desember – dagsins gáva til tín

Tá fleiri av tónlistafólkunum vórðu rakt av sjúku og máttu avlýsa á Í menniskjum góður tokki konsertini fríggjakvøldið, traðkaði ein maður veruliga í karakter. Jákup Eli spældi tvær ferðir, og víðkaði programmið sera nógv. Tvær fínar framførslur: “Eg roykti hasj” var millum absoluttu hæddarpunktini, og tað verður tykkara kalendaragáva í dag.

Vit biðja umbera ljóðtrupulleikarnar í síðsta parti av upptøkuni.

Enn kann man stuðla

Enn ber til at stuðla Í menniskjum góður tokk, tað er supernemt og kann gerast við gjaldskorti. Vónandi eru tit røsk at stuðla, tí hetta er eitt framúrskarandi gott endmál. Vitjið gjald.takk.fo

 

Góðu fittu Nudlalesarar

Nú í jólamánaðinum, er ein jólakalendari er á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.
Tykkum ynskist ein góður jólamánaði

Jólakalendarin 15. desember – dagsins gáva til tín

Tigandi tala

 

Góða møt mær í mjørkanum

lat okkum leita eftir gleði í tí gráa

hoyra heiðafuglin ið vit ikki síggja

syngja orð ið vit ikki skilja

í mjørkanum

 

Eg vil hvíla í lynginum

í tí gráa, bleyta, váta

síggja seyð sum neyt

og eingi neyt

og føla támið kína mær um ennið

meðan eg kíni tær

liggjandi í mjørkanum

 

Kyss meg

lat varrarnar tala

ikki við orðum

men kossum

ið siga nógv meira enn orð

lat meg kyssa teg

í dag í mjørkanum

 

Mínar varrar móti tínum hvíta hálsi

tínum bróstum

tínum kroppi

ið rópar eftir kærleika

meðan eg kyssi hann

í mjørkanum

 

Legg teg í lyngin

og hoyr varrarnar tala

lýð á taluna

og lat kropparnar møtast

renna saman í eitt

við mjørkan

ið ballar okkum

á ferð til Nirvana

 

Góðu fittu Nudlalesarar

Nú í jólamánaðinum, er ein jólakalendari er á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.
Tykkum ynskist ein góður jólamánaði.

Lippukassin – 60 kilo av føroyskum tónleiki

Taskurnar við teimum 60 kilounum av fløgum

Tá Gissur Patursson fór við flogfarinum til Ísland hevði hann 60 kilo av føroyskum fløgum við sær.

Talan var um tilsamans trý fløgusøvn, tað størsta og mest kompletta varð latið til Ríkisútvarpið, ið eisini er plátusavnið hjá Rás 2. Gávan til Ríkisútvarpið varð handa leygarmorgunin.

– Øll, ið starvast í plátusavninum vóru møtt upp við stjóranum Bjarna Guðmundssyni á odda, og hugnalig var løtan. Har varð borðreitt við kaffi og onkrum góðum afturvið, greiðir Gissur frá.

Hann sigur, at tey vóru sera glað fyri gávuna, ið hann vegna føroysku Gramex-deildina hevur tikið stig til at lata íslendskum útvarpi, og sum EIK og Expert hava stuðlað. Plátufelagið Tutl hevur latið størsta partin av savninum.

Gissur viðgongur, at hann faktiskt varð tikin á bóli av móttøkuni, og hvussu nógv varð gjørt burturúr hesum.

 

Les greinina frá 3. apríl 2007 um fløgandi gávuna her

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum

Er hetta byrjanin til endan?

Døgnið, ið nú enn er nýtt, kann gerast eitt lagnudøgn í føroyskari søgu. Seinni í kvøld fer Føroya Løgting at hava árliga jólaborðhaldið, og kanska tey fara at hugna sær. Men áðrenn hetta kunnu tey hava gjørt óbótaligan skaða á samfelagið Føroyar.

 

“Vit hava eitt demokratiskt problem”, segði ein skilagóður vinmaður við meg, eftir útvarpstíðindi á miðdegi í gjár, “Landsbankin ein týdngingarmikil partur av okkara trygdarnetið, verður avtikin og borgarnir yppa bara øksl, hvar eru mótmælini?”

 

Ja, vit hava eitt demokratiskt problem: Ongantíð í Føroya søgu, hevur eitt verri løgting sitið við valdið, og tað eru vit, ið hava valt tað. Tað er eitt demokratiskt problem!

 

Breiða semjan, og tingmannatalið aftan fyri hana ger, at okkara valdu fólk siga: “Tað nyttar einki hjá mær at atkvøða ímóti, tí tað kemur ígjøgnum alíkavæl, og so missi eg mína ávirkan”, eg havi persónliga hoyrt fleiri tinglimir orða seg soleiðis. Alt meðan tey avtaka landsbankan, geva okkum flatskatt, avmontera skúladepilin í Marknagili, broyta skattingina av pensjónum og mangt annað .

 

Okkara bestu heilar rópa varskó, men tey flestu yppa bara øksl, og ætla sær at halda á við at velja Sambandsflokkin, Fólkaflokkin, Miðflokkin ella Sjálvstýrisflokkin á næsta vali.

 

Alt meðan fólkatalið minkar. Trúgv mær, góðu samgongulimir, at tað eru ikki bert tær illa stillaðu familjurnar, ið tit kroysta av landinum, ið flyta. Alsamt fleiri vælútbúgvin og fornuftitg fólk umhugsa at stinga í sekkin, tí hetta Landsstýrið ber seg so høpisleyst at.

 

Síðan Jógvan á Lakjuni í hevnissøku fyri bókina Skjót journalistin legði útvarpið og sjónvarpið saman, og slapp sær av við sjónvarpsstjóran, ið ikki vildi revsa síni starvsfólk, ið høvdu dittað sær at fortalt sannleikan um Anfinn Kallsberg, hevur hetta verið linjan hjá Fólkaflokkinum.

 

Finnist onkur at politikkinum, so skal viðkomandi revsast. Hetta hendur nú við Landsbankanum, hetta hendur við mentafólkinum, ið eisini hava funnist at samgonguni og mutlan er um, at tað skal henda við Hagsstovuni, har stjórin hevur verið atfinningarsamur. At hetta er ein tilvitað ætlan, ið samgongan tekur undir við, kom til sjóndar, tá Helgi Abrahamsen hótti ein aðalstjóra, ið var sæddur til eitt mótmælistiltak, við at hansara økið skuldi skerjast á Fíggjarlógini.

 

Boðskapurin er heilt greiður: “Makkar tú ikki rætt, so rýkur títt høvd” og hetta er tað mest tragiska, og kann gerast endin á vælferðarsamfelagnum . Tí tá ein flokkur, sum Fólkaflokkurin fær frítt spæl, so rýma tey skilagóðu av landinum.

 

Her kann blíva talan um eitt satt brain drain. Tí okkara vælútbúnu og skilagóðu útisetar tíma heldur ikki at flyta heim til eitt samfelag, har politiski myndugleikin førir revolvarapolitikk. Hetta braindrain kann hava við sær uppaftur størri fall í fólkatalinum, manglandi innovatión, manglandi rentabilitet og við tíðini álvarsligar trupulleikar fyri Føroyar.

 

Vónandi fær Løgtingið eitt fínt jólaborðhald. Men teir tinglimir, ið ikki eru sannførdir um, at avtøkan av Landsbankanum er skilagóð, og teir sum halda, at tað ikki eru skilagott at skerja mentan so ógvisliga, eiga at siga frá og taka ábyrgd við og fyri sínari atkvøðu. Heldur enn at goyma seg aftan fyri, hvat hini atkvøða.

Jólakalendarin – 14. desember – Dagsins gáva til tín

Í 1992 koyrdi eg ein túr út til Trónd Bogason, eg hevði júst fingið koyrikort. Tróndur var komin uppí MC-Hár um heystið í 1991, og vit høvdu eftir eina væleydnaða konsert í útvarpshøllini í februar 1992 fingið blóð uppá tonnina, og skrivaðu tónleik. Ætlanirnar vóru stórar, so føroysku tekstirnir vóru skiftir út við enskar, og eg og Tróndur arbeiddu við avíkavist tekst og lagskriving. Nú skuldi heimurin takast.

Á veg heim aftur eftir Landavegnum, umleið við krossin, komu orðini “Symphony of Irony, a crazy mans reality, symphony of irony an orgy in the sky” til mín. Eg var ikki meira enn komin inn gjøgnum dyrnar, tá eg ringdi til Trónd, og segði:

– kom vit gera eina rapp/rokk symphony, og kalla hana: Symphony of Irony!

Well vit fingu so í øllum førum eitt lag burturúr tí, sum vit framførdu fyrstu ferð á Tungmálmi 1992, við risakórið í munkakápum við okkum á pallin. Hetta lagið skuldið samstundis blíva tað fyrsta vit spældu inn, tað var á Rock í Føroyum fløguni, ið kom út í 1996. Lagð gjørdi ótrúliga nógv fyri okkara bólk, ið tá var nokkso gloymdur, og var orsøk til spennandi konserttilboð og enntá eisini til okkara fløguinnspæling, ið varð gjørd í 1997, og endaði við Framvegis uttan vit.

Jólakalendarin í dag, verður eitt youtubeklipp við lagnum, myndirnar eru frá ymiskum konsertum gjøgnum árini. Hóast tað eru 20 ár síðan vit skrivaðu lagið, so dámar mær tað enn.

Góðu fittu Nudlalesarar

Nú í jólamánaðinum er ein jólakalendari á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.

Tykkum ynskist ein góður jólamánaði.

Jólakalendarin – 13. desember – Dagsins gáva til tín

Seinastu nátt svav vætturin Sofus heima hjá okkum, hann býr í barnagarðinum hjá Tummasi, og skiftist at fara heim við børnunum. Í morgun komu vit upp til eitt øgiligt órudd og hetta brævið lá á til okkara:

 

11.-12. desember hjá Tummasi

Í nátt havi eg sovið heima hjá Tummas, á denn fest, eg havi næstan ikki fingið blund. Alla náttina hava eg og vættrarnir har heima dansa og hoppa, meðan vit hava lurtað eftir Gangnam Style.

Tað byrjaði annars friðarligt, pápi Tummas kom eftir okkum í barnagarðinum. Hann koyrdi okkum í SMS, eg slapp at bíða í bilinum, tað var so stuttligt, tí eg koyrdi tónleikin for frá, og so setti meg við róðrið og spældi, at eg var ein rasarakoyrari.  Tað var líka við, at eg ikki uppdagaði, at teir komu aftur, men í síðstu løtu fekk eg sløkt tónleikin og hoppa aftur á baksetrið.

Í bilinum heim hevði Tummas fingið ein ís, sum dryppaði nokkso illa, tá hann hugdi burt royndi eg at slikka droparnar upp, tað smakkaði so væl.

Heima hjá Tummas fingu vit nátturða, vit fingu pylsir, kips, kjøtfrikadellir og fiskafingrar, nokkso løgin blanding haldi eg, Men eg fekk tikið mær 3 fiskafingrar, tvær pylsur, eina kjøtfrikadellu og nógv kips, so var eg so stappandi mettur. Tað smakkaði væl, men ikki líka væl sum rísingreytur ger.

Kvøldið var hugnaligt. Tummas hevur tveir beiggjar: Mikal og Marius, teir eru ordiliga fittir og roksa nokkso illa.

Tá vit skuldu í song, so bleiv eg nokkso spentur, tí pápi teirra skuldi lesa fyri okkum úr Mín Jólabók, eg og Tummas skundaðu okkum uppá at lurta, men tá mundi eg doyð, tí Tummas hevði lagt meg í ein sekkjastól, og so kom pápi Tummas og setti seg á meg, og hann er ein ræðuliga tjúkkur maður, sum vigar minst eitt tons. Tað var so tungt, at eg helt eg bleiv flatur sum ein pannukøka.  Men heldigvís kom Tummas og bjargaði mær.

Tá øll vóru sovnaði fór eg inn til dinosaurin hjá Tummas, hann var voksin nokkso nógv frá seinast. Eg tordi ikki ordiliga at vera har, tí hann hugdi nokkso svangur at mær. so eg skundaði mær út úr tí kamarinum aftur, og rendi meg beint í tríggjar aðrar vættrar. Firvaldur og Árvakur, sum eg eisini heilsaði uppá í fjør, og so eina ordiliga stuttliga gentu, sum eitur Arghild.

Hon segði, at hon var systkinabarnið hjá Árvaki og Firvaldi, og vitjaði úr Íslandi, har sum hon annars býr. Tað var hon sum fann uppá, at vit skuldu halda fest.

Fyrst tók hon skógvarnar hjá pápa Tummas og fylti perlur í teir, og so hongdi hon teir upp í eina lampu.

Aftan á tóku vit allar púturnar úr sofunum hjá teimum, og løgdu tær í ein stóran bunka mitt á gólvinum, og so tendraðu vit iPaddin hjá Tummas og fóru á okkurt sum eitur youtube og funnu Gangnam Style. Arghild dugdi ordiliga væl við iPaddinum, so hon skrúvaði hart frá, og so hoppaðu vit oman á pútubunkanum, tað var ikki fyrr enn vit hoyrdu vekkarin hjá pápa Tummas vekka í morgun, at vit máttu gevast, og tá høvdu vit lurta eftir Gangnam Style minst 50 ferðir.

 

Góðu fittu Nudlalesarar

Nú í jólamánaðinum er ein jólakalendari á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.

Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja,  eitt filmklipp, ein søga, ein gáta ella okkurt heilt annað.

Seinastu 17 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.

Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.

Tykkum ynskist ein góður jólamánaði.