Hví vinna klaksvíkskvinnur alt?

In: Hugleiðingar

24 Sep 2012

Halt kipp, sum klaksvíkskvinnur  eru raskar, KÍ kvinnur sparka reyv og vinna alt, enn eitt meistaraheiti bleiv hátíðarhildið í 3-2 í kvøld, og tað sær út til, at í øllum førum í nøkur ár afturat verður støðan tann sama.

 

Men tað er ikki bara í fótbólti, at klaksvíkskvinnur eru nógv betri enn mannfólkini har norðuri. Stjørnan hevur verið við í toppinum hondbólti í nógv ár.

 

Eg kann tó ikki lata vera við at  hugsa, hvussu tað ber til. Í yngru deildunum, kunnu kvinnurnar her í høvuðsstaðnum væl vera við, sjálvt í fótbólti. Men tá tær gerast eldri, so vera tær avbukaðar av klaksvíkskvinnum. Sá enntá ein høvuðsstaðsvenjara reypa um, at hansara kvinnur fingu javnleik móti klaksvíkskvinnum í eina dystinum, og eg skilti hann faktiskt væl.

 

Men okkurt er øðrvísið har norðuri, man tað vera tí mannfólkini har eru so óáhugaverd, at konufólkini klára at konsentrera seg um ítróttin, meðan vit her suðuri eru ov stór distraktión hjá kvinnunum í Suðurstreymoy?

Um hesa síðu

Hetta er heimasíðan hjá Niels Una Dam, her vera ummæli og annar tekstur hjá mær at finna. Hetta er ikki ein tíðindasíða, so dagføringin verður ivaleyst so sum so

Categories

Archives