Hatesphere á G!

In: Aðrar greinar

19 Apr 2007

Danski treskimálmsbólkurin Hatesphere  spælir á ársins G!Festivali, hetta boðar frá einum sera aggresivum ískoyti til ársins festival.

 

Hatespehere hevur fleiri ferðir vunnið heiðurslønina fyri bestu útgávu á Danish Metal Awards, umframt fleiri aðrar heiðurslønir, so sum besti konsertbólkur. Í næstum kemur 5. fløgan hjá bólkinum, og í hesum sambandi er bólkurin á longri konsertferð, og sambært myspace síðuni hjá bólkinum gongur henda konsertferð til Føroyar.

Hatesphere hevur síðan bólkurin varð stovnaður í 2001, arbeitt hart á konsertferðum kring heimin. Hesi árini hevur bólkurin ferðast sum  upphitingarbólkur fyri nógvar gamlar málmsrisar so sum Testament, Exodus, Crowbar, Kreator og Morbid Angel.

Við Hatesphere er talan um veruliga harðan tungmálmstónleik, ið verður serveraður við buldur og brak. Vit fingu ikki fatur á G! fyrireikarunum í morgun, og tí hevur festivalurin enn ikki váttað navnið.

Vitjað Hatesphere á myspace.com/hatesphere

Um hesa síðu

Hetta er heimasíðan hjá Niels Una Dam, her vera ummæli og annar tekstur hjá mær at finna. Hetta er ikki ein tíðindasíða, so dagføringin verður ivaleyst so sum so

Categories

Archives