Ólavsøkukonsertin 2001

In: Aðrar greinar

11 Mar 2013

Eg havi júst fingið  nógv av mínum VHS bondum løgd yvir á DVD, eitt av bondunum var við ólavsøkukonsertini 2001, hetta man vera ein tann størsta mannfjøldin vit hava spælt fyri, umleið 4000 fólk vóru savnaði í kommuskúlagarðinum.

mc-har_O01Vit í MC-Hár vóru í eini umskipanartíð, aftan á Spotfestivalin í 1999 vóru Tróndur Bogason, ið sang og spældi ljómborð, Niels Arge Galán, ið sang og spældi gittar og Uni Árting, ið trummaði, farnir burturúr. Jens Virgar Jakobsen kom longu uppí bólkin aftur síðst í 1999, og vit gjørdu somuleiðis avtalu við Fríða Øster, ið hevði spælt trummur við okkum í fleiri umførum áðrenn, at koma við aftur.

Eingin konsert bleiv spæld í 2000, men tá boð var eftir okkum at spæla á ólavsøkukonsertini 2001, var neyðugt at loysa tveir konkretar trupulleikar, mangulin uppá sangara og mangulin uppá ljómborðsleikara. Vit hugsaðu, hví sikta lágt, so vit spurdu teir báðar best umtóktu sangararnar beint tá, Terja Rasmussen og Rók Jákupsson Jakobsen, og besta ljómborðsleikara í býnum Magnus Johannesen. Allir søgdu ja til at luttaka.

Í samráð við Suna í Kagganum fingu vit eisini tvær danskar dansarindur, ið skuldu undirhalda har um ólavsøkuna, og málaðu tær, soleiðis, sum ein MC-Hár dansarinda eigur at vera mála.

Karl Anton Klein, ið var ein tættur vinur av orkestrinum, var har og tók konsertina upp. Eg fari at deila upptøkuna við tykkum beint her:

Um hesa síðu

Hetta er heimasíðan hjá Niels Una Dam, her vera ummæli og annar tekstur hjá mær at finna. Hetta er ikki ein tíðindasíða, so dagføringin verður ivaleyst so sum so

Categories

Archives