Jólakalendarin 24. desember – Dagsins gáva til tín

In: Aðrar greinar

24 Dec 2014

Gleðilig jól tit øll, takk fyri, at tit hava vitja mín jólakalendara allan desember, og eisini takk tit, ið av tilvild eru komin inn her í dag.

Nú føroysku heimini lukta av røstum kjøti ella fiski, av dunnu, gás, reyðkáli, lambi, brúnkaðum eplum, granni, gløggi, holukøkum ella bara onkrum øðrum hugnaligum, so fari eg at deila mína síðstu kalendaragávu við tykkum.  Hon verður í tveimum pørtum, ovara gávan er eitt klipp, ið vísir, hvussu lýsingin hevði sæð út, um jólafilmurin Home Alone, ikki var ein skemtifilmur, men heldur ein ræðufilmur.

 

Men vit lata tykkum ikki verða hangandi við ræðukensluni sjálvan jólaaftan, og deila tí nakað sera hugnaligt, nevniliga endurinnspælingina hjá Gekkabólkinum Konfekt, av lagnum “Koyr okkurt í mína hosu”, innspælt  við teimum originalu sangarunum. Elis Poulsen , og so fittu gentunum Arinu, Ránnvá og Elin Mariu, ið eru vorðnar fittar vaksnar konur.

TRÝST HER:

Koyr okkurt í mína hosu – Konfekt

 

 

nissa_smallGóðu fittu Nudlalesarar

Nú í jólamánaðinum, hevur ein jólakalendari verið á hvørjum horni. Mær so líkt, so vil eg ikki skilja meg burturúr, so sjálvandi hevur eisini verið ein jólakalendari her á Nudlum.

Hvønn dag síðan 1. desember havi eg deilt okkurt gott við tykkum. Onkuntíð ein góðan sang, eina góð mynd, eina yrking, eitt viðmæli, eina leinkju, eitt filmklipp, einu søga, eina gátu ella okkurt heilt annað.

Seinastu 19 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis hevur eisini verið her á Nudlum.

Um tit ikki hava vitjað hvønn dag, so ber til at klikkja seg víðari til eldri kalendaragávur her á síðuni.
Tykkum ynskist eini góð jól.

Jólanissi

Um hesa síðu

Hetta er heimasíðan hjá Niels Una Dam, her vera ummæli og annar tekstur hjá mær at finna. Hetta er ikki ein tíðindasíða, so dagføringin verður ivaleyst so sum so

Categories

Archives