Lippukassin – Eg vil uppliva føroyingar

– Eg havi tikið mær stundir til at vera nakrar dagar í Føroyum. Eg vil fegin uppliva landið og fólkið, sum har býr. Eg kundi t.d. hugsað mær at sloppið til døgurða heima hjá onkrum eldri føroyskum pari, gjarna einum pari, sum í veruleikanum ræðast sex eitt sindur. Eg ætli mær eisini at fara í býin og uppliva býarlívið, drekka meg fulla. Harumframt vil eg uppliva gamla býarpartin í Havnini, greiður kendi danski sexologurin Joan Ørting frá, tá vit hitta hana á orðið um vitjanina í Føroyum seinni í hesum mánaðinum. Tað er lætt, at hoyra at Joan gleðir seg til at vitja, hetta landið í Norðuri, orðafloymurin er skjótur og øgiligur.

Les samrøðuna, ið eg gjørdi við Joan Ørting í 2007 í sambandi við at hon skuldi til Føroyar at hava fyrilestur við heitinum “Meira av tí góða”

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum

Lippukassin – Fann gimsteinar í Føroyum

Sarah-Chanderia stjóri í Hacate Entertainment Group var hevði ikki ivast í, at vitja aftur um høvið býðst.

Ein av teimum útlendsku gestunum, ið fekk mest burtur úr Atlantic Music Event, var Sarah-Chanderia, stjóri í Hacate Entertainment Group. Sarah arbeiðir við tónleika publishing og hevur gjørt tað til sína serfrøði at seta bólkar og marknaðir saman. Hon selur tónleik til sjónvarp, filmar, lýsingar, plátufeløg og mong onnur.

Tá vit fingu orð á hana á høvuðsskrivstovu síni í Oslo týsdagin seinnapart, vóru hon og starvsfólk hennara í ferð við at gera ein føroyskan tónleikapakka, har tey vísa samstarvsfeløgum sínum í Grikkalandi og Los Angeles, nakað av tí besta, ið Sarah hevur upplivað á ferðini í Føroyum.

– Ja, man kann siga, at eg longu havi notið gott av túrinum til Føroyar, og at føroyski tónleikurin nýtir gott av míni vitjan, sigur Sarah.

–  Eg hoyrdi nógvan góðan tónleik á ferðini í Føroyum, og pakkin, ið eg nú geri tilreiðar, fevnir um Budam, og ja, sjálvandi Sic, men eisini 200 og Marius.

 

Les samrøðuna, ið eg gjørdi við Sarah-Chanderia stjóra í Hacate Entertainment Group her

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninu

Lippukassin – Myspace hevur strikað Høgna Lisberg

Tað var ein rættiliga ónøgdan Høgna Lisberg, sum eg fekk orð á. Myspace síðan hjá Høgna var uttan ávaring og uttan frágreiðing strikað av Myspace.

– Hetta er eitt ár av arbeiði, sum er mist. Eg havi brúkt síðuna sum mítt visitkort, og nú er alt arbeiðið burturi, greiddi Høgni frá.

Høgni hevur nú fingið endurstovnað síðuna, men teir 768 vinirnir, ið hann hevði á Myspace eru burturi, eins og tey frálíku hagtølini við 12.000 spældum løgum, eru burturi. Nógvir av vinunum vóru týdningarmikil sambond hjá føroyska trubadurinum.

 

Les greinina um tað ferðina, tá alnetið var ónt við Høgna Lisberg

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninu

Lippukassin – 60 kilo av føroyskum tónleiki

Taskurnar við teimum 60 kilounum av fløgum

Tá Gissur Patursson fór við flogfarinum til Ísland hevði hann 60 kilo av føroyskum fløgum við sær.

Talan var um tilsamans trý fløgusøvn, tað størsta og mest kompletta varð latið til Ríkisútvarpið, ið eisini er plátusavnið hjá Rás 2. Gávan til Ríkisútvarpið varð handa leygarmorgunin.

– Øll, ið starvast í plátusavninum vóru møtt upp við stjóranum Bjarna Guðmundssyni á odda, og hugnalig var løtan. Har varð borðreitt við kaffi og onkrum góðum afturvið, greiðir Gissur frá.

Hann sigur, at tey vóru sera glað fyri gávuna, ið hann vegna føroysku Gramex-deildina hevur tikið stig til at lata íslendskum útvarpi, og sum EIK og Expert hava stuðlað. Plátufelagið Tutl hevur latið størsta partin av savninum.

Gissur viðgongur, at hann faktiskt varð tikin á bóli av móttøkuni, og hvussu nógv varð gjørt burturúr hesum.

 

Les greinina frá 3. apríl 2007 um fløgandi gávuna her

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum

Lippukassin – Íslendskur áhugi í føroyskum kynslívi

Prát um kynslív á kvinna.fo hevur vakt ans í Íslandi. Somikið nógvir íslendingar hava vitjað heimasíðuna, at talið av vitjandi í næst seinastu viku vaks við 95,5% sambært gallup.fo.

Íslendska heimasíðan b2.is, ið er eitt slag av leinkjusavni til stuttligar ella áhugaverdar heimasíður, við øðrum orðum ein íslendsk útgáva av nym.fo, hevur lagt leinkju á heimasíðu sína, til eitt kjak á kvinna.fo, har føroyskar kvinnur undir evnisheitinum “Tað aftara holið” kjakast um anal sex.

Les alla greinina, ið eg skrivaði í apríl 2007 um íslendska áhugan í føroyskum rumpisekskjaki her

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum

Lippukassin – Stórt enskmælt ummæli av AME

Paul Sullivan tók hópin av myndum á ferðini og ætlaði sær at skriva greinar um upplivingar sínar til fleiri ymiskar miðlar. (mynd: Niels Uni Dam)

Millum útlendsku gestirnar á AME var blað- og myndamaðurin Paul Sullivan, ið til dagligt búleikast í Týsklandi, men sum hevur heimin sum arbeiðspláss. Sullivan starvast sum free-lance blaðmaður hjá hópin av ymiskum tónleikabløðum og tónleikaheimasíðum. Hann segði við okkum, tá hann vitjaði í Føroyum, at hann fór at skriva fleiri ymiskar greinar frá tiltakinum til ymisk bløð,  og nú er fyrsta ummælið av AME komið frá hansara hond á einum av hesum miðlum, tónleikaheimasíðuni drownedinsound.com.

Eivør trøllabant

Talan er um eitt størri ummæli av tiltakinum og av upplivingini av føroysku natúrini, ið Sullivan upplivdi sum sera vakra. Sum heild er ummælið sera jaligt. Serliga Eivør verður tikin fram, Sullivan skrivar:

“Dugnaligir, sum nógvir av bólkunum hetta vikuskiftið vóru, so kundi eingin veruliga sammetast við Eivør. Ílatin sum ein víkinga dervish kemur hon á pallin. Hon er sláandi vøkur, hevur eina sterka hjáveru á palli eftir nógvu konsertferðirnar og eina rødd í trøllabindur. Tað er torført at trúgva, at Eivør einans er 25 ár, soleiðis sum hon sveimar gjøgnum alt frá poppi, rokki, jassi, akkustiskum sangum og siðbundnum vísum. Tað munnu neyvan finnast meira natúrligar popp-stjørnur enn hetta.”

 

Les greinina, ið eg skrivaði í mai 2007 um ummælið, har er eisini leinkja til sjálvt ummælið

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninu

Lippukassin – Nik og Jay trýstu á play

Sum kunngjørt áðrenn konsertina, hava Nik og Jay valt at skipa sínar framførslur eitt sindur øðrvísið enn áður. Tónleikararnir eru skiftir út við DJ Morten Breum, ið stýrir tónleikinum. Harafturat høvdu teir í besta Eminem stíl ein mann við sær, ið gekk runt á pallinum uttan ljóðføri ella mikrofon, og sum hevði til uppgávu at seta lív í fjøldina.

Eg havi ikki hoyrt teir við bólki, men tónleikurin hjá Nik og Jay hóskar sera væl til henda leistin við einum DJ, og væl poleraði poppurin bleiv leveraður sum hann skuldi. At Morten Breum eisini er ein somikið feitur DJ, at hann í støðum kláraði at geva teimum eitt sindur av kanti, gjørdi als ikki upplivingina verri.

 

Ummælið av Nik og Jay á Summarfestivalinum 2009

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninu

Lippukassin – Spennandi útlendsk nøvn á AME

Í ár hava fyriskipararnir av Atlantic Music Event valt at gera AME til eitt norðurlendskt sýnisgluggatiltak. Hini norðurlendsku londini hava fingið høvi til at senda bólkar til Føroyar at umboða lond síni á stóra tiltakinum í Norðurlandahúsinum. Umframt at hetta ger tiltakið áhugaverdari sætt við eygunum hjá tónleikaídnaðinum kring heimin, so gevur hetta føroyskum áskoðarum eitt forkunnugt høvið at uppliva nakrar av mest spennandi bólkunum á tónleikapallunum í londunum kring okkum.  Norðurlandahúsið hevur tryggjað sær ein íslendskan, ein svenskan, ein norskan, ein grønlendskan og tveir danskar bólkar, ið koma at spæla, saman við teimum átta føroysku nøvnunum.

Les um spennandi útlendsku nøvnini, sum luttóku á AME Føroyar 2007 her

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum

Lippukassin – Framtíðin rokkaði á Margarinfabrikkini

Fríggjakvøldið og leygarkvøldið vóru konsertir í Margarinfabrikkini í Havn, bæði kvøldini vóru væl vitjaði, og konsertirnar gingu væl. Lýst var við, at hetta vóru nýggjastu bólkarnir í landinum, og tveir av bólkunum vóru so nýggir, at teir frumframførdu í Margarinfabrikkini. Planet var við leygarkvøldið og kann staðfesta, at framtíðin hjá føroyskum tónleiki er fjøllbroytt og spennandi.

Upplivingarnar vóru nógvar, heilt frá punki frá gentubólkinum Fake it, Paradox og MTV aktuellu The Dreams, til nýggja Reggae bólkin 3 Colours. Svakligasta upplivingin var ivaleyst The Headliners, meðan The story ends… við sínum yvirgearaða gittarleikara, sum líktist einum ungum Angus Young(honum úr AC/DC), spældu sín heilt egna rokktónleik.

Les ummælið av nøkrum av teimum mest spennandi ungu tónleikanøvnunum á føroyskum palli í juli 2005

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum

Lippukassin – Gestir á Bryggjuni

Mynd: Sìmun Jóanesarson Hansen

Strúkararnir lyftu løgini og gjørdu tey uppaftur meira innilig. Men bólkurin vísti eisini, at hann dugdi at larma hetta kom til sjóndar í larmuttum pettum, t.d í Úr undirgrundini, ið var tað fyrsta lagið, har Knút Háberg Eysturstein traðkaði ordiliga í karakter, sum vit eru von at síggja hann í eitt nú Marius. Hetta skal ikki síggjast sum kritikkur av spælinum hjá Knúti, ið var gott alt kvøldið, men í Marius er man farin at vænta øgiliga nógv av honum, og í pørtum av konsertini leygarkvøldið, tyktist hansara leiklutur ikki eins týdningarmikil sum í Marius. Strúkararnir stjólu eitt sindur av hansar toru. Men so í øðrum løgum var Knút sera markantur. Hetta var t.d. galdandi í Úr undirgrundini og í fyrra parti av seinna setti, tá strúkararnir ikki vóru við. Konsertin fekk eina løtu ein eitt sindur punkkendan dám, og Gestir rokkaðu væl og virðiliga.

 

Les ummæli av konsertini hjá Gestum á Norðuratlantsbryggjuni á heysti 2006 her

 

Úr lippukassanum
Eg lati lokið upp á lippukassanum og stingi hondina niður og taki fram brot úr onkrari grein úr savninum