Eivør úr Havn til Havnar

Eivør er næstu vikurnar á konsertferð úr havn til Wien, til Innsbruck, til Glasgow og so aftur til Havnar, har hon bæði skal vera havfrúgv og kann vinna heiðurin sum besta føroyska songkvinnan.

 

Konsertferð

 

Eivør hevur seinastu árini við jøvnum millubilum luttikið á konsertur hjá Yggdrasil, og var eisini við á konsertini í Tübingen, ið kom út á DVD herfyri. Sunnudagin helt Yggdrasil 15 ára føðingadagin hjá norðurlendska bólkinum í Norðurlandahúsinum. Á parti av hesi konsert var Eivør við.

 

Í gjár fór Eivør av landinum aftur á veg til Eysturríki, har hon saman við Bill Bourne fer at hava 3 konsertir. Fyrsta konsertin verður hóskvøldið kl. 19.30 í Konserthúsinum í Wien, í Mozart Høllini, ið tekur 700 fólk. Konsertirn er ein liður í eini verkætlan, har dugnaligur ungdómur úr ymsum oyggjasamfeløgum fær høvi at vísa sín kynstur. Konsertin er útseld.

Næsta konsertin verður á Porgy & Bess í Wien fríggjakvøldið kl. 20, meðan triðja konsertin verður á Treibhaus í Innsbruck mánakvøldið kl. 20.

Týsdagin 24. januar seta Eivør og Bill nøsina ímóti Glasgow, har tey mikudagin og hósdagin halda konsertir á kenda Skotska festivalinum Celtic Connection.

Leygardagin 28. januar og sunnudagin 29. januar verður Eivør aftur á heimavølli, tá hon saman við Lenu & Guðrun fer at framføra kvinnulist í Norðurlandahúsinum. 28. verður somuleiðis greitt, um Eivør aftur í ár fer at fáa heiðurin ársins føroyska songkvinna. Hon er saman við Lenu og Guðrun, Petsi Tvørfoss og Guðrið Hansen í uppskoti til hesa planet á Planet Awards, sum verða hildnir á Hotel Føroyum hetta kvøldið. Á AME 2005 tók Eivør heiðurslønina sum besta songkvinna.

Maður:Stova

Tann eina helvtin av bólkinum Maður:Glotti, gittarleikandi sangarin Messell, er farin undir at bjóða stovukonsertir. Sjálvur kallar listarmaðurin hetta fyri trendin í framtíðini. Hann bjóðar, stutt sagt, at halda konsertir heima í stovuni hjá fólki.

 

Fyri eina passandi upphædd, kemur Messell heim til tín og spælir eina konsert fyri tær og teimum, ið tú hevur hug at bjóða. Eitt nú kanst tú senda ein hatt runt í stovuni, soleiðis at øll kunnu vera við til at fíggja konsertina.

 

Fyrsta konsertin av hesum slag verður 28. januar kl. 20.30 heima í stovuni hjá Messell. Men av tí at avmarkað pláss er, er tilmelding neyðug. Til ber at lesa meira um hetta á www.songsbymessell.

Uni leggur botnin

Trummuleikandi jarðfrøðingurin Uni Árting hevur havt ein virknan leiklut í menningini av føroyskum tónleiki seinastu 14 árini. Við tíðini er Uni vorðin ein av Føroya allar bestu trummuleikarum. Á Planet Awards er hann við í fýra uppskotum til planetir.

 

Planet Awards

 

Uni Árting er fýra ferð í uppskoti til planetir fyri sítt trummuspæl í 200 og hjá Peturi Pólsyni. Fløgurnar Viva La Republica og Koma eru í uppskoti til planetina fyri bestu útgávu, 200 er í uppskoti til planetina fyri besta føroyska og Petur Pólsson fyri besta nýggja.

 

Orkumaskina

Uni er ivaleyst best kendur sum orkumaskinan í 200, sum við 200 km/t buldrar avstað. Hann er ein av Føroya bestu trummuleikarum og hevur seinastu 14 árini verið ein týdningarmikil viðleikari í menningini av føroyskum tónleiki.

 

Treskimálmur á føroyskum

Fyrstu ferð Uni var at síggja á føroyska tónleikapallinum var í treskimálmsbólkinum Oblivion. Oblivion var fyrsta føroyska boðið uppá ein bólk, ið spældi hetta slagið av tónleiki. Løgini vóru øll egin og nøkur á føroyskum. Hetta var í 1992 og var nærum óhoyrt tá, tí flest allir rokkbólkar spældu lániløg í teirri tíðini, og teir, ið skrivaðu tónleik, skrivaðu flest allir á enskum.

 

Føroyski grungebólkurin

Eftir at Uni og bassleikandi sangarin Niels Arge Galán góvust í Oblivion, ið tó helt áframm nøkur ár eftir hetta, stovnaðu teir bólkin Mold saman við Niclasi Thorsteinssýni, Kristin N. Bech og Gudmundi Helmsdal. Mold myndaði tann føroyska grunge pallin í fleiri ár, og var eitt stórt tónleikanavn í miðjum 90’árunum. Bólkurin luttók á fyrstu Prix Føroyar finaluni í 1995 og  á fyrstu Rock í Føroyum fløguni hjá TUTL í 1995. Mold gav seinni tvær fløgur út Mullich Mulli 1996 og í 1998 Sun Magnet.

 

Gimpar, hasj og helviti

Saman við Niels og bassleikaranum Mikael Blak stovnaði Uni alternativa rokkbólkin 200. Burtur úr hesum samstarvi kom í 1997 sangurin “Vit eru 200” á TUTL fløguni Rock í Føroyum 2, ein sangur sum skuldi prógva at alternativur rokkur væl kann syngjast á føroyskum. 200 flutti seg yvir í punkin og gav í 2001 fløguna “200%” út, við speirekandi fullveldispunki og sangum um gimpar, hasj og helviti. 200 luttók í Prix Føroyum í 1997 og í 2001, í 2001 eydnaðist tað at koma í finaluna.

 

Beint í upptøkuhølið

Í 1999 fór trummuleikarin í MC-Hár úr bólkinum eina viku áðrenn upptøkurnar til fløguna Burn Me skuldu byrja. Táverandi gittarleikarin í MC-Hár Niels Arge Galán ringdi beint eftir Una, ið trein inn í upptøkuhøli og spældi alíkavæl frálíkt á fløguni. Bæði Niels og Uni fóru stutt eftir burtur úr bólkinum og løgdu næstu árini alla sína orku í hjartabarnið 200.

 

 

200 til Føroya fólk

Í 2004 flutti Uni heim til Føroyar aftan á at hava verið í Danmark og lisið jarðfrøði.Tónlistarliga gjørdist 2005 árið har 200 gjørdust Føroya størsti rokkbólkur. Teir vóru føroyska høvuðsnavnið á tveimum festivalum, spældu á AME í Føroyum og í Danmark, teir vóru í Grønlandi og spældu á festivali har, umframt sera væleydnaða luttøku á íslendska festivalinum Airwaves. Teir hava havt eitt lag ovast á 15 teimum bestu í 9 vikur, hava ligið ovast á sølulistanum í fleiri vikur, og spældu á Mentanarnáttini fyri einum stúgvandi fullum SMS.

Nýggjasta fløgan hjá 200 Viva La Republica kom út í 2005. Hon hevur fingið frálík ummæli, og er vorðin fólkaogn. Tað er einki undur í, at bólkurin er í uppskoti til tvær Planet virðislønir.

 

Sniðgevi og listamaður

Uni og Niels vunnu í fjør AME virðislønina fyri snøggasta fløguhúsa fyri Viva La Republica. Teir hava samstarvað um fløguhúsar í nógv ár, og eiga nakrar av flottastu føroysku verkunum í hesari listagreinini. Teir hava innan fyri hetta økið lyft føroyska støðið sera langt upp, og eiga stóran lut í æruni fyri at føroyska fløguhúsalistin er á so høgum støði. Umframt fløguhúsar hava Uni og Niels gjørt annað grafiskt arbeiði, sum t.d. plakatir og heimasíðir. Innan fyri heimasíðulistina er Uni vorðin sera dugnaligur, og ger sera snotiligt arbeiði.

 

Uni uttan Niels

2005 gjørdist eisini árið, tá Uni veruliga byrjaði at gera um seg uttan Niels Arge Galán. Síðan fyrstu tíðina í Oblivion hava Niels og Uni spælt saman. Men í bólkinum hjá Knút Háberg Eysturstein spælir Uni og ikki Niels, tað sama er galdandi í bólkinum hjá Peturi Pólsyni. Á fløguni hjá Peturi leggur Uni trygga botnin, og er motorurin í berur fløguna fram. Uni er við árunum vorðin ein av Føroya bestu trummuleikarum.

 

Sagt um Una:

 

Niels Arge Galán um Una:
”Uni er besti trummuspælari, eg nakrantíð havi spælt við. Vit báðir hava spælt tónleik saman síðani vit vóru 14. Uni er raskasti maður, eg kenni. Hevur 2 lítlar synir, hús, bil og unnustu, er við at gerast doktari í jarðfrøði OG spælir í harðasta rokkorkestri í landinum. Eg eri sera, sera góður við Una. Hann er mín besti vinmaður.”

 

Petur Pólson um Una:
“Eg ivaðist ongantíð í, um hvør skuldi spæla trummur. Uni er ein fantastiskur trummusláðari.”

 

Útgávur har Uni Árting hevur luttikið:

Rock í Føroyum  – Ymisk (TUTL), 1995
lagið “9” við Mold

 

Mullich Mulli – Mold (TUTL), 1996

 

Rock í Føroyum 2 – Ymisk (TUTL), 1997
Lagið “Vit eru 200” við 200

 

Sun Magnet – Mold (TUTL),  1998

 

Burn me – MC-Hár (3’arin), 1999

 

TUTL 2000 Rock/Pop – Ymisk (TUTL), 2000
[a’u:ga] – Mold

Prix Føroyar 2001 – Ymisk (3’arin)
Um tú ikki ert við uppá loysing, so ert tú skíti klikkaður – 200
Edmund – 200
Jóannes – 200

 

200% – 200 (TUTL), 2001

 

TUTL 25 ár Live (TUTL), 2002
Drive Me Over – Mold
Punkurin frá helviti 2 – 200

 

Viva La Republica – 200 (TUTL), 2005

 

Petur Pólson – Koma (TUTL), 2005

 

Popplist 4 (3’arin og TUTL), 2005
Musclemanblað – 200

 

Mogens Tilsted Christensen kann verða meldaður í Danmark

Vælvitandi um at happing og mismunur ímóti samkyndum er eitt lógarbrot í Danmark, er Hvalvíksprestur rættiliga varin í sínum útsøgnum í Ekstra Bladet, men hann megnar kanska ikki heilt, at halda seg innan fyri lógarkarmin.

 

Undir yvirskriftini “BØSSEBALLADE – HOMOFILE VEDERSTYGGELIGE: Dansk præst på Færøerne meldt til politiet for hetz ” hevur danska Ekstra Bladet eina samrøðu við Mogens Tilsted Christensen í mánadagsútgávuni.

 

Eg eri ikki so forferdiligur

Í samrøðuni við Ekstra Blader sigur Mogens Tilsted Christensen, at hann ikki er so forferdiligur, sum onkur heldur, men kennir seg misskiltan av teimum, ið meldaðu hann. Men prestur veit, at hann tosar við ein danskan miðil og er tí sera varðin í sínum útsøgnum, tí í Danmark sleppir tú ikki snikkaleysur undan at happa og gera mismun. Prestur er tí als ikki líka avgjørdur í sínum útsøgnum í samrøðuni, sum í lesarabrævinum.

 

Í andsøgn við lesarabrævið

Lógarmunurin kemur tildømis til sjóndar, tá hann beinleiðis er í andsøgn við sítt lesarabræv og sigur, at hann heldur, at samkynd í veruleikanum kunnu vera lærarar, men at onkur bara hevur misskilt lesarabrævið. Men so lætt sleppur hann ikki, tí blaðmaðurin vísir á, at prestur skrivar, at tað er “en naturlig diskvalifisering” fyri ein lærara at vera samkyndur, og blaðmaðurin spyr, um tað kann skiljast á annan hátt?

Prestur kemur síðan við eini frágreiðing, ið møguliga kann gerast eitt revsimál í Danmark. Tí hann sigur:“…Altså hvis en ansøger til en stilling som pædagog, lærer eller præst enten er homofil eller pædofil eller har sådan nogle ting, og der er andre ansøgere, så mener jeg, vedkommende skal fravælges. Det handler om andre folks børn, og Biblen fortæller at homoseksualitet er en synd.” Hetta kann uppfatast sum áheitan um mismum, og kann tí meldast um onkur hevur hug til tað.

 

Prestar og pyromanar

Prestur vil vera við, eins og hann hevur ført fram í føroyskum miðlum, at hann ikki hevur samanborið samkynd við pedofil. Men verður spurdur av tíðindamanninum, um hvussu hann hevði uppfatað tað, um tíðindamaðurin skrivaði, at tú ikki eigur, at lata prestar og pyromanar sleppa inn í hoyggjhús. Hesum svarar Tilsted Christensen, at hann hevði ynskt at tíðindamaðurin lat vera við at siga tað. Men at hann ikki hevði ætlað at samanborið samkynd við pedofil. Prestur vísir á, at hann ikki hevur gjørt mismum á nøkrum, men einans hevur sagt síni sjónarmið um hetta mál.

 

Bakgrund:

Upprunaliga lesarabrævið hjá Mogens Tilsted Christensn var soljóðandi:

 

Guds velsignelse og stadig fremgang for mennesker på Færøerne!

Mogens Tilsted Christensen
sognepræst
Nordstrømø

Er det virkelig rigtigt?
Ja det er ganske vist. Meget tyder på, at de færøske politikere er klogere, har større menneskekærlighed og har bedre forståelse for menneskers helbred, liv og levned end, andre samfund i Skandinavien har.
På Færøerne viser politikerne respekt for og lytter til folket, som har stemt dem ind i lagtinget og landsstyret.
I sidste uge stemte et stort flertal i et forslag om en udvidelse af antidiskriminationslov med et forbud mod at diskriminere folk på grund af deres seksuelle observans.
En  gallupundersøgelse, der blev foretaget for nylig, viser, at 58 procent af den færøske befolkning er enig i, at antidiskriminationsloven ikke skal udvides, så  det ved lov skal forbydes at diskriminere bøsser og lesbiske på Færøerne.
Danmark blev begik i 1987 den fejl at vedtage en lov om, at folk ikke må diskrimineres på grund af deres seksuelle orientering, på trods af, at befolkningen ønskede det anderledes.
Følgerne for Danmark heraf har foreløbig været, at ritualer for homoseksuelles parforhold er indført i den danske folkekirke.
De homoseksuelle lobbyister i store dele af verden gør sig ivrige  anstrengelser for at få politikere og endda præster til at tro, at det er godt og humant og en menneskeret at være homoseksuel, så de endda også vil tvinge den kristne kirke til at gå imod sine egne bekendelser.
Det er selvfølgelig en menneskeret at have lyster til både det ene og det andet. Men det er også en menneskepligt at kende sin egen begrænsning, når man involverer andre mennesker i sine lyster.
Hvis vi alle sammen til enhver tid ville udvirke vore lyster, som har behov for  som syndige mennesker  skabt i Guds billede, så ville vi få både almindelige sex-overgreb på både voksne og børn som dagsorden. Hvem får ikke Hsære lysterH en gang imellem?  Men hvis vi ikke siger ja og nej på de rigtige steder, så må vi tage konsekvenserne af vore fejl og lyster.
Derfor er det godt og rigtigt, at det færøske lagting har kunnet varetage det færøske folks interesser. Tak for det kære politikere.
Men hvori består klogskaben i at nedstemme lovforslaget da?  kunne man spørge.
Jo der er sandelig mange gode grunde til at gøre, som det færøske lagting gjorde, da de nedstemte lovforslaget.
Som præst må OG SKAL jeg selvfølgelig forsvare mine argumenter ud fra Guds Ord, hvilket er ganske let gjort. For både det gamle og det nye testamente bringer mange steder belæringer om, at homoseksualitet er en vederstyggelighed for Gud.
Gud har altid ønsket det bedste for os mennesker, og derfor vil jeg i det næste og afsluttende argumenteres ud fra fornuften:
I homoseksuelle kredse er der stor risiko for, at AIDS og andre kønssygdomme spreder sig.
Fra homoseksuelle mænd, som er gift, spreder smitten sig ofte videre til kvinden gennem de intime berøringer.
Hvis en børnehave eller en skole har homoseksuelle eller pædofile pædagoger til at tage sig af børnene, så udsættes børnene for vrangpåvirkninger i stedet for at få sunde og fornuftige Guds vidnesbyrd og belæringer om, at det seksuelle hører hjemme i ægteskabet mellem mand og kvinde.
Det er en naturlig diskvalificering for en lærer at være homoseksuel, fordi læreren ved den nære kontakt med de unge mennesker kan komme til at lære den menneskeopfattelse videre til børnene, at homoseksualitet er normalt og godt.
Det menneske, som ønsker at udøve sin homoseksualitet, må påtage sig andet arbejde end at være lærer eller pædagog. Mennesker er normalt udstyret med evner til at kunne arbejde med mange ting.
Man sætter jo ikke ræven til at vogte høns.
Det er både livsfarligt (AIDS-risikoen), uhygjejnisk og unaturligt at udøve homoseksualitet.
Mand og kvinde er naturligt skabt til hinanden og heraf følger ofte børn i tilgift. Man kunne i sandhed tilføje, at det er Guds mening ifølge skabelsesberetningen.
Hvis først man får bildt folk ind, at det ikke er skadeligt at udøve homoseksualitet, så kan selv en statsminister tro, at det er godt og humant at få homoseksuelle velsignelses- og vielsesritualer  ind i kirken også. Det er en forkert udvikling, og den er en følge af den frie pornografi i de lande, hvor den udvikler sig. Homoseksualitet og utugt er ikke kristne gerninger ifølge Guds Ord.
På Færøerne har mennesker gennem århundreder oplevet at få Guds velsignelser i tilgift for at stå fast på de gode principper.
Disse gode principper, som Færøerne også holder sig til, at man ikke i flæng  slår de små ufødte børn ihjel inde i kvindens livmoder. Der skal selvfølgelig være en god og helbredsmæssig grund, inden man griber til så drastiske indgreb, som en abort er. Færøerne har af gode principper også gennem Hde trængte årH, hvor pornografien har ødelagt menneskers sind og tanker mange steder Hsyd påH,  kunnet sige nej-tak til den ækle perverse pornografi udstillet i børne-øjnehøjde  på servicestationer og i kiosker.
På Færøerne tror man ikke, at sex er skadeligt, men færinger  har den naturlige mening, at sex hører hjemme i ægtesengen mellem mand og kvinde.
Jeg føler mig meget overbevist om,  at Færøerne – på grund af politikernes holden fast på de gode kristelige principper – er blevet velsignet med såvel smuk natur, frisk luft, mange fisk, billigere olie og benzin end andre steder, masser af gratis vand uden vandafgifter, arbejde til de fleste mennesker, gode uddannelser på skoler og højere udannelsessteder. Af andre tilgifts-goder kan nævnes mange gode veje, tunneller,  gode og sikre biler, gode både, og store veludstyrede boliger med udsigt til hav og fjeld.
Mens verden tilsyneladende går af lave, så går Færøerne stadig fremad på alle de områder, som er godt for mennesker.
Det er aldrig forgæves at følge Guds gode belæringer. De vil altid være til fordel i det lange løb.
Glædelig og velsignet jul, godt nytår og tak for det gamle kære Færøerne!

Nb.: Prøv i juleferien også en surftur på vækkelsesportalen  www.teologen.dk < HYPERLINK “http://www.teologen.dk” http://www.teologen.dk$?$end$!$

 

Er Bono ov nógv av tí góða?

U2 sangarin Bono er somikið nógv upptikin av ymiskum vælgerandi arbeiði, at hinir limirnir í bólkinum eru byrjaðir at troyttast av honum. Bono sigur við BBC Radio 4,  at hann einaferð var bangin fyri, at hann fór at verða tveittur úr bólkinum orsaka av hesum.

 

Bono var í fjør ein av oddamonnunum í Make Poverty History herferðini og Live 8 konsertunum, og er dagligur gestur hjá ríkisleiðarum kring allan heim. Á konsertum hjá U2 er sangarin kendur fyri at rópa politiskar boðskapir av pallinum. Hann sigur við BBC, at hann er greiður yvir at, hinir limirnir andað í nakkan á honum, tá hann heldur politiskar røður av pallinum. T.d. tekur trummuleikarin Larry Mullen tíð, tá Bono heldur røður.

 

Bono sigur, at hann eisini sjálvur er greiður yvir, at áskoðararnir kunnu gerast troyttir av hansara nógvu og almennu meiningum um alt møguligt, hetta skriva Politiken á sínari heimasíðu.

Listarfólk mótmæla snævurskygninum í homFObia

Herfyri meldaðu rokktónleikararnir í 200 Hvalvíksprest fyri lesararabræv, ið hesin skrivaði í bløðunum áðrenn jól, har hann millum annað setti samkynd í bás við pedofil. Nú er ein annar listarmaður farin í herðna ímóti snævurskygninum.

 

Fjøllbroytti listarmaðurin Ole Wich fer á heimasíðu sínari inn í stríðið fyri rættindunum hjá teimum samkyndu. Ole Wich sigur í lesarabrævi í bløðunum hesa vikuna, at hann fer at royna at spjaða sloganið homFObia, so nógv sum tilber. Hann ger hetta fyri at mótmæla, at 1500 føroyingar noyðast at liva uttanfyri landoddarnar orsaka av, at teirra kynsliga sannføring er ein onnur enn tann hjá meirilutanum.

 

Hann greiðir í lesarabrævinum frá, at hann gjørdist øgiliga rørdur, tá hann í august sá hvussu yvirraska tey samkyndu, sum gingu skrúgongu vóru av uppmøtingini í Tinghúsgarðinum: “Det rørte mig meget at fornemme, at denne gruppe af udstødte ikke forventede at blive godt modtaget. De forventede faktisk ikke, at deres medmennesker var villige til at bruge et par eftermiddagstimer på at vise vi var solidariske med deres situation. Det gik op for mig at de homoseksuelle færinger aldrig forventer at blive accepteret af deres medborgere i deres eget fædreland. De håber på accept, men forventer den ikke.” .

 

Hann sigur harumframt, at hann saknar, at tey moderatu kristnu gera vart við seg og vísa, at tey ikki vilja hava at Føroyar verður eitt afturstandandi fundamentalistiskt samfelag, ið vegna snævurskygni ikki vil mennast.

 

Ole Wich er  beinleiðis farin í herðna í móti snævurskygninum. Á heimasíðu síni hevur hann lagt fílir út við homoFObia merkinum, myndir av bíblium á forboðskeltum við tekstinum “Bibelfrit område” og eitt merkið, ið verður køvt undir eini bíbliu. Til ber at taka mekini niður ókeypis, ella at fáa tey sum klisturmerki ella plakatir fyri ein ávísan kostna.

 

Hevur Chelsea ein álopstrupulleika?

Chelsea framherjin Hernan Crespo og miðvallarin Michael Essien vórðu skaddir í dystinum ímóti Westham í gjár, serliga í álopinum kann hetta gerast ein trupulleiki hjá Chelsea.

Í dystinum ímóti West Ham í dag, varð argentinski framherjin hjá Chelsea Hernan Crespo skiftur út við einum skaða, tá 8 minuttir vóru eftir av dystinum.

 

Crespo varð skiftur inn í 59 minutti og skeyt eitt minutt eftir málið, ið legði Chelsea framum 1-2. Men 20 minuttir eftir varð hann skiftur út við Shaun Wright-Phillips. Við heimsins besta beinki skuldi eingin trupulleiki verið, um Crespo verður skaddur í eina tíð. Tí Chelsea plagar altíð at hava onkran at seta við. Men hesuferð, kann tað gerast ein trupulleiki, tí hin vanligi framherjin Didier Drogba verður næsta mánaðin í Afrika og spælir í African Nations Cup við landsliðnum hjá Fílabeinsstrondini.

 

Umframt Drogba hevur Chelsea einans unga Carlton Cole at seta við í álopinum. Hesin Cole hevur einans spælt fáar minuttir hetta kappingarárið, og er ivaleyst ikki í bestu dystarvenjing.  Íslendski Eidur Gudjonsen, hevur fyrr verið framherji, men seinasta árið hevur hann heldur spælt á miðvøllinum, hann er tó ein møguleiki.

 

Enn er einki komið út alment um skaðan hjá Crespo. Men tá Chelsea í fjør hevði ein líknandi trupulleika, við Drogba skaddum, Mutu koyrdum fyri rúseitursmisnýtslu og Gudjonsen ivasomum. Segði Chelsea venjarin, José Mourinho, at um hann ongan framherja hevði, kundi hann altíð brúka liðskiparan og miðverjuovastan John Terry sum framherja, tí hann skjýtur so nógv mál.

 

Spennandi verður at vita hvussu leikur fer. Næsti dystur er í steypakappingini í móti Huddersfield Town leygardagin. Hesin dystur átti at verið ein avgreiðslu spurningur, og tað er lítið at ivast í, at Carlton Cole byrjar inni hendan dyst.

 

Chelsea miðvallarin Michael Essien fekk ein skaða í dystinum í móti West Ham. Talan er um okkurt, ið líkist einum álvarsligum fótliðsskaða. Hetta skrivar onside.dk í morgun. Heimasíðan vil skrivar, at hesin skaði í versta falli, kann verða endin á kappingarárinum hjá Essien.

 

Essien hevur verið fastur maður á Chelsea liðnum, síðan hann kom úr Lyon í summar. Essien er ein týdningarmikil spælari, men Chelsea eru rættiliga væl fyri á miðvøllinum, har Gudjonsen ivaleyst er besta boð uppá ein avloysara, hetta er sjálvandi enn ein trupulleiki fyri álopið, ið er heldur tunt í løtuni.

 

Essien skuldi annars spæla fyri Ghana í African Nations Cup henda mánaðin. Men hetta verður nú væntandi av ongum. Hvussu umfatandi skaðin er verður væntandi greitt í dag. Hetta kann í ringasta falli, gera at Essien ikki fær spælt fyri Ghana í HM. Um so er, er hetta ein ómetaligur missur hjá liðinum, ið ongantíð fyrr hevur spælt seg í eitt HM-endaspæl.

Muscleman-Blað var ársins lag á 15 teimum bestu.

Tá allar 15 tær bestu sendingarnar vóru taldar upp var tað lagið Muscleman-Blað, ið var ársins hittlag á 15 teimum bestu.

 

Gamlaárskvøld gjørdi 15 tær bestu verturin Tummas Gudmundsen upp, hvørji løg vóru tey 20, ið høvdu klárað seg best á føroyska hittlistanum.

 

Lagið Muscleman-Blað lá 9 vikur ovast á 15 teimum bestu, hetta var longri enn nakar annar, og var við til at gera samlaða stigatalið hjá 200 lagnum hægri enn hjá øllum hinum løgunum, ið kappaðust á 15 teimum bestu. Muscleman-Blað hjá 200 fekk 208 stig, tað er 11 stig meira enn Forever And Beyond hjá Makrel og Herbergið hjá Páll Finnur Páll á deildum øðrum plássi.

 

Nephew og lagið En Wannabe Darth Wader liggur á triðja plássi, sum ovasta útlendska lag. Meðan vágasoundið hjá Orkestriiinum Her Vestriii megnar at taka fimta pláss.

 

Felags fyri øll fimm tey ovastu løgini á listanum er, at tey fullu fyri tíðaravmarkingini, ið er á 15 teimum bestu. Fyri at tryggja at bert nýggjur tónleikur er á listanum, verður eitt lag tikið av listanum, tá tað hevur verið 15 vikur inni. Tí er ikki gott at vita, hvussu raðfylgjan hevði verið, um løgini sluppu at royna seg líka leingi, sum lurtarin ynskti at hava tey á listanum. Heili 13 løg eru fallin fyri hesi tíðaravmarking.

 

Í útvarpsárinum 2005 hava verið 47 sendingar av 15 teimum bestu. Í hesum sendingum hava 235 løg roynt seg sum eykaløg, av teimun eru 129 komin inn á listan.  Av teimum 235 løgunum, ið hava verið eykaløg, hava 48 verið føroysk og 34 av hesum eru komin inn á listan.

 

14 ymisk løg hava ligið á ovastu rók í farna ári. Muscleman-Blað er eisini ovast á hesum lista við 9 vikum, Green Day og Boulevard Of Broken Dreams er á 2. plássi við 6 vikum ovast, síðan kemur Herbergið hjá Páll Finnur Páll við 5 vikum ovast og Delta Goodrem & Brian Mcfadden við Almost Here ovast í 4 vikur. 13 av teimum 14 løgunum, sum hava ligið ovast eru í topp 20 listanum fyri 2005. Einasta undantakið er nýggja oddalagið Hung Up hjá Madonnu.

 

15 tær bestu fyri ári 2005

Nr. Vikur Max Vikur nr.1 Vikur nr.2 Vikur nr.3 Stig Bólkur/Einstaklingur og Lag.
1 15 1 9 3 2 207 200 – Muscleman-Blað
2 15 1 3 6 3 196 Makrel – Forever And Beyond
15 1 5 4 2 196 Páll Finnur Páll – Herbergið
4 15 1 3 1 4 182 Nephew – En Wannabe Darth Vader
5 15 1 3 2 3 172 Orkestriiið Her Vestriii – 1 veit iii
6 12 1 2 6 4 166 Pipar & Salt – Høm Høm
7 15 1 3 3 3 161 James Blunt – You’re Beautiful
8 15 1 0 2 4 151 Kim Hansen – Maria
9 11 1 1 5 2 147 Jay-Z feat Linkin Park – Numb/encore
10 10 1 6 2 2 144 Green Day – Boulevard Of Broken Dreams
11 15 5 0 0 0 143 Lív Hansen – Eitt Annað Land
12 15 2 0 2 3 141 Gwen Stefani feat. Eve – Rich Girl
13 15 5 0 0 0 126 Green Day – Wake Me Up When Sep. Ends
14 12 3 0 0 3 125 Avril Lavigne – Nobody’s Home
15 10 1 4 2 0 124 Delta Goodrem & Brian Mcfadden Almost here
16 11 3 0 0 2 119 Nephew – Worst/Best Case Scenario
17 11 2 0 1 3 110 Eminem – Like Toy Soldiers
18 13 4 0 0 0 100 Anna David – Fuck Dig
19 7 1 2 1 1 90 PoppKorn – Sjeikurin
20 8 1 1 2 1 89 Jan & Jákup – For lekkur til Prixið

Vistu at møguleiki var fyri einum sigri

Nephew vann planetina sum besta útlendska navn, frammanundan hevur Nephew vunnið hópin av heiðurslønum, men ongantíð í útlandinum. Vit hava prátað við sangaran Simon og trummuleikaran Søren

 

Planet Awards

Bólkurin Nephew vann planetina sum besti útlendski bólkur. Sangarin Simon Kvamm var í Føroyum og tók í móti heiðurslønini. Hann segði seg vera sera glaðan um hetta herðaklapp og helt fyri, at Føroyar var tað einasta landið í heiminum, har hetta kundi henda. At hugsa sær, at Nephew vunnu á bólkum sum Green Day og solistum sum James Blunt og Madonnu.

 

Vit ringdu somuleiðis til trummuleikaran Søren Arnholt, fyri at práta um, hvussu hinir limirnir í bólkinum, ið ikki hava familju úr Føroyum, hugsaðu um hesa heiðursløn, og um nær hann fekk boðini. Søren greiðir frá, at sunnumorgunin kl. 5.15 fekk hann eini sms-boð frá Simon. Hann raknaði við og hoyrdi tey og hugsaði, at hetta var nokk frá Simon. Men fór ikki upp at hyggja at teimum. Tað var tó stuttligt at vakna sunnumorgunin og lesa boðini. Hann sigur, at hann altíð er glaður, tá Nephew vinnur heiðurslønir. Tær eru herðaklapp, og tí gerst man glaður. Hesuferð vóru hini, ið vóru í uppskoti rættiliga óvanligt selskap. Í Danmark hevur bólkurin ongantíð verið í uppskoti saman við Madonnu, Green Day og James Blunt, og tað er tí stuttligt at vinna á teimum. Hetta er deiligt at fáa, nú bólkurin arbeiðir við eini nýggjari útgávu.

 

Søren sigur, at hann hevur havt eina góða kenslu um hesa heiðurslønina alla tíðina. Móttøkan í Føroyum var heilt fantastisk. Eisini hevur bólkurin fingið hópin av vinarligum mailum úr Føroyum, teir hava eisini sæð, at fløgan hevur ligið leingi á sølulistanum í Føroyum, umframt at teir hava havt fleiri løg á 15 teimum bestu. Tí var Søren greiður yvir, at teir høvdu møguleika at vinna.

 

Søren greiður frá, at ferðin í Føroyum í summar var frálík, bæði fyri bólkin, men eisini fyri hann, konuna og sonin. Tí gleðir hann seg til at sleppa aftur til Føroyar. Tað gera vit øll sigur hann.

 

Søren hevur ikki sæð planetina enn, Simon hevur hana, men tekur hana við til venjing í komandi viku, hann hevur hoyrt, at hon er heilt serlig, og heldur tað vera nokkso stuttligt, at lítlibeiggi hjá bassleikaranum í 200 hevur gjørt planetina. 200 vóru á pallinum, tá Nephew spældu á G!.

Carpark North koma aftur til Føroyar

Eitt av størstu nøvnunum í donskum tónleiki í løtuni Carpark North koma til Føroyar. Hetta er fyrsta festivalnavnið, ið er alment í tónleikaárinum 2006. Í teldubrævið við nýggjársheilsan til føroyingar skrivar sangarin Lau: “Vit gleða okkum longu til í summar, tá vit enn einaferð koma til Føroyar, har vit skulu vitja ein av tykkara festivalum.”

 

Í heyst spældu Carpark North tvær sera væleyðnaðar konsertir í Fuglafirði. Fyrra konsertin við bólkinum var fullkomiliga útseld, og salurin í Mentanarhúsinum kókaði. Tí varð skipað fyri eini eykakonsert. Henda gjørdist meira intim, einans 50 áhoyrarar vóru sunnukvøldið, og hetta dugdi bólkurin væl at brúka til at skapa ein annan nærleika.

 

Men nú fáa føroyingar høvi at hoyra bólkin aftur, enn er ikki greitt hvønn festival talan er um, men vit arbeiða við at kanna málið.

 

Í samrøðu við Sosialin aftan á konsertirnar í heyst søgdu limirnir í Carpark North, at teir vildu sleppa aftur til Føroyar, tí upplivingin hevur verið so jalig.

 

“Det var helt vildt fedt”, segði sangarin Lau. Hann greiddi frá, at undan konsertina kendu teir í bólkinum so at siga onki til Føroyar, og høvdu teir tískil onga hóming av, hvussu teir fóru at blíva móttiknir av føroyingum. Men teir vórðu ovfarnir av teimum lívligu áhoyrarunum, sum veruliga góvu teimum eitt minnið fyri lívið.”

 

Nú fáa teir hetta høvið.