Familjuútferð til Íslands – Dagur 3

20140416-161830.jpg

So situr man aftur umborð, vit hava havt ein framúr dag, aftaná morgunmatin fóru vit til Eskifjörð, hoyrdi frá øðrum ferðafólki, at har var ein svimjihylur við fleiri glíðibreytum, umframt, at koyritúrurin var sera vakur.

Eg kann bara geva teimum rætt, náttúran er ófatiliga vøkur her, nú kavin enn setur dám á landslagið.

20140416-161950.jpg

Svimjihylurin var fleiri klassar omanfyri tann á Egilstøðum og væl verdur at koyra teir eyka 40 minuttirnar fyri.

Har vóru 3 fínar glíðibreytir, harav tann størsta dekan ov stór og skjót til mín smakk, men dreingirnir dámdu væl, serliga Marius, sum fór 14 túrar í henni. Tummas er so varligur, so eg royndi at lokka hann í tað minstu breytina, so eydnaðist tað ikki.

Men vit fingu nakrar tímar at ganga í teimum ymsu temperaðu hylunum og pottunum. Eg slapp eisini ein lítlan túr í sauna.

Síðan ótu vit burgarar í Kaffihúsinum á Eskifirði. Ella tað gjørdu eg og Mikal. Tummas og Marius ótu pizza. Síðan gekk leiðin umborð aftur.

Vit fara úr Íslandi kl. 20 og koma á Havnina kl. 15 ímorgin. Um eina løtu er nátturði á skránni, deiliga buffetin lokkar.

Eg havi annars verið ein túr í Naust og lurta eftir Hans Andrias, hann hevur takla uppgávuna, at spæla fyri týskum pensjonistum væl. Men tá tey fóru í song í gjárkvøldið fingu vit lokka eitt Nirvanalag og eini tvey heimagjørd burturúr honum.

20140416-164937.jpg

Deiligt, at hava ein risastóran Mikal við, sum hevur eyguni eftir hinum, so eg sleppi ein túr í Naust.

My Kingdome for a krúss

20140416-091623.jpg

Nú havi eg seinastu dagarnar hugna mær við dreingjunum á familjucruise í Íslandi. Deiliga hugnaligur túrur, og eg havi róst Smyril Line fyri nógvar batar, men eitt er, sum er blivið nógv verri.

Man kann fanime ikki fáa ein ordiligan drekkamunn.

Eg havi brúk fyri minst einum krússi av te við mjólk í, fyri at byrja morgunin ordiligt. Men tað ber ikki til longur, te og kaffikannurnar, ið man fyrr fekk á borðið til morgunmatin, eru avloystar av einari ósjarmerandi automat, tað er sikkurt ok, tí vit fáa jú longu djús og vatn úr automatum. Trupulleikin er teir tøsuttu kopparnir, tað er ikki meira enn 2 ferðir upp í munnin, so man rennur í pendulfart millum automat og borðið. Nei, hatta er ein ommer.

Gev mær eitt krúss at skola morgungronina burt.

Familjuútferð til Íslands dagur 2

20140415-174832.jpg

Tann persónliga kontaktin, smílið, áhugin, ella skal man bara kallað tað tænasta.

Eftir deiligu morgunmatarbuffettina var eg á veg niðan gjøgnum trappurnar upp á kamarið. Eg stúrsaði við, tá ein vinarlig donsk rødd spurdi: “Var det en god morgenmad?”, hugdi upp og sá, at tað var tænarin, ið hevði tikið ímóti okkum, tá vit komu inn til buffettina. Vit møttust av tilvild í trappunum, og ístaðin fyri at lata sum einki, vísti hann áhuga.

Jú takk, tað smakkaði væl, fekk eg framúr mær, og fór víðari við einum smíli. Eg havi ofta ferðast við Norrønu, men ongantíð hevur tænastan verið betur enn hesaferð.

Tá sonurin misti jogurti á gólvið í tí hann skuldi rætta smílandi tænarinduni (ella hvussu tað eitur, tá ein tænari er kvinna) sín skitna tallerk, so var viðmerkingin beinanvegin, at tað bilti einki.

Tá ein annar sonur eitt sindur seinni hevði stoytt Fanta inni í spælirúminum, har man ikki hevur loyvi at hava mat og drikkivørður við sær, so var eingin moralprædika, bara eitt smíl meðan vinarliga daman grulvaði inn at turka upp.

Eg veit bara, at hetta er tílíkt, ið fær meg at kenna meg vælkomnan. Tað virkar sum hesi starvsfólkini tíma at arbeiða her, nei, tað virkar faktiskt, sum tey dáma at arbeiða her.

Annars hava vit verið á Egilstøðum í dag, høvdu frætt, at har var ein svimjihylur. Well ikki heimsins størsti svimjihylur. Sirka uppá stødd við tann gamla í Gundadali, og júst sum hann, var hesin uttandurða. Tað bilti tó ikki, tí har var ein rutsjibani, so tað sá gott út.

Vit brúsaðu okkum og runnu út móti rutsjibananum, men ólukkutíð, banin var “Lokaður”, eitt skelti hekk fyri trappurnar, og forðaði okkum at fara upp, ivaleyst skilagott, tí hylurin undir rutsjibananum var hálvtómur og vatnið í honum sá ikki tespiligt út.

Well, vit fingu tó hálvan annan tíma at ganga við at sita í heitum potti, boblubað og annars við at spæla við bóltar í barnaendaum av svimjihylinum. Bert Mikal var so aktivur, at hann tók nakrar longdir eisini.

20140415-174932.jpg

Vit ótu døgurða á Subway, og keyptu páskaregg í Bónus, umframt teir obligatorisku mini doughnutsarnar, ið eg altíð keypi, tá eg eri í Íslandi. (smakka himmalskt).

Men annars eru Egilstaðir ein heilt ófatiliga óáhugaverdur býur. Har er sku meira aktion í Skálavík. Men vit funnu tó eitt ellisheim fyri bilar, ið eg líka mátti taka ein mynd av, her:

20140415-175214.jpg

Vit koyrdu síðan ein biltúr, stuttligt at síggja kavakløddu fjøllini og landslagið, ið er so hvítt, at tað næstan skerð í eyguni.

Um eina løtu letur buffettin upp, so er nátturði á skránni, tað verður uttan iva gott, mungi longu eftir hasum sterkt kryddaðu búffunum, ið eg smakkaði í gjár.

Vónandi stendur væl til har heima.

20140415-175335.jpg

Familjuútferð til Íslands

20140414-214051.jpg

So er fyrsti dagurin við at vera runnin her umborð á Norrönu. Dreingirnir eru farnir í kamarið, at finna sær iPaddarnar fram og vónandi skjótt sovna.

Deiligur dagur í síni heild. Innhegnaði fótbóltsvøllurin á dekki 8 er eitt hitt hjá Mikal, sum brúkti fyrstu tímarnar umborð á vøllinum. Hinir báðir yngru fóru í biograf til Frozen, meðan eg tókst við tað, ið mær dámar best, at sussa við fólk.

20140414-213954.jpg

Túrurin norður millum oyggjarnar var á nógvan hátt magiskur. Vit búgva í einum fantastiskum landi. Serliga ein góðveðursdag sum hendan.

20140414-214353.jpg

Vit ótu nátturða í Norrönu Buffettini, nógvur góður matur við denti lagdum á mat úr havinum, gott at síggja, at Smyril Line er tilvita um, at ferðafólk, ið koma hendan vegin vilja hava okkurt autentiskt. Her er gott umborð, sera vinalig starvsfólk og hugnaligt.

Í morgin kl. 9 leggja vit at í Íslandi, tá fara vit ein biltúr, at finna ein svimjihyl.

HB U12 vann bronsu í Dana Cup

HB 1 liðið hjá U12 piltum møtti norsku Fyllingsdalen í A hálvfinaluni í Dana Cup í morgun.

Hetta var eitt gott lið, sum trýsti okkara dreingir, men vit høvdu eisini fleiri møguleikar og serliga Hanus var trupul fyri norsku verjuna. Men tað var Fyllingsdalen, ið legði seg á odda. Men HB stríddist væl víðari.

Vit fingu eisini bæði góðar møguleikar uppá mál og góðar bjargingar frá Anton, áðrenn Fyllingsdalen økti til hálvleiksstøðuna 2-0.

Okkara dreingir høvdu eisini fleiri møguleikar, áðrenn Fyllngdalen økti til fyrst 3-0 við einum langskoti og síðan við væl gjøgnum spældum álopum til 4, 5 og 6-0.

Fyllingsdalen er eitt lið, ið á papírinum sá øgiligt út. Teir vunnu sín bólk suverent við málskoruni 43-1, og høvdu millum annað sligið eitt pólkst akademilið út á vegnum til hálvfinaluna. Teir høvdu ongan dyst vunnið minnið enn við fimm málum. Bitin var ov stórur fyri okkara dreingir, ið sostatt fáa bronsuheiðursmerki í A bólkinum.

Fyllingsdalen vann seinni í dag Dana Cup fyri U-12 dreingir, tá teir vunnu á Hjørring.

Alt í alt eitt flott avrik av Anton, Jóhann, Hanusi, Regini, Sveini, Sigbrandi, Sigmundi, Símuni, Poul Kjartan og Dánjal.

20130727-090205.jpg

Trý HB lið luttóku í Dana Cup í ár. HB 2 kom í A 16. partsfinaluna, har teir vórðu slignir út av besta liðnum hjá norsku Vidar FK.

HB 2 komu í B 16. partsfinaluna, men vórðu slignir út av norsku Fossum IF.

Dana Cup er nú liðugt á hesum sinni og vit venda nøsini heim eftir.

HB er í Dana Cup hálvfinaluni

HB 1 møtti norsku Jotum IL í kvartfinaluni í Dana Cup í kvøld.

Tað leikaði sera javnt á fyrstu løtuna og bæði liðini vóru merkt av, at tey longu høvdu spælt 100 minuttir fyrrí dag, men einar 10 minuttir inni í dystinum byrjaði norska liðið at leggja meira trýst á, men okkara stinna verja og Anton í málinum stóðu móti trýstinum, umframt at onnur málstongin hjálpti til eina ferðina. Okkara dreingir høvdu eisini fleiri naskar royndir. Men hálvleiksstøðan var 0-0.

Spælið var heldur harðari í seinna hálvleiki, og gekk javnt báðar vegir.
Tað var tó ikki móti leikgongdini, at Jotum legði seg á odda 1-0, tá góðir 10 minuttir vóru eftir. Men tá málmaðurin kloddaði eitt heldur spakuligt skot hjá Sveini í málið 20 sekund áðrenn tíð, var alt opið aftur.

Her verður farið beint til brotsspark.

Sveinur legði trygt fyri
Nummar 4 hjá Jotum skoraði
Hanus skoraði
Nummar 13 skoraði, hóast Anton
Jóhann skoraði
Nummar 2 skoraði
Málmaðurin bjargaði skotið hjá Símun
Anton tók skotið hjá nummar 14
Regin skoraði
Anton tók skotið hjá nummar 15 og sendi okkum í hálvfinaluna í morgin árini kl. 8:50

20130725-223923.jpg
Anton gjørdist stóra hetjan

HB 1 spælir kvartfinalu í kvøld

HB 1 helt áfram við sannførandi spælinum, tá teir smurdu Bölhorst Häverstädt SV av.

Dysturin byrjaði væl, tá Sveinur setti eitt brotsspark í netið, og áðrenn fyrsta korterið var farið, hevði Sveinur skorað eitt afturat og Hanus eitt. Áðrenn hálvleik hevði Sveinur tryggað sær hattrickið og hálvleikstøðuna 4-0.

Í seinna hálvleiki skoraði innskifti Sigmund tvær ferð til endastøðuna 6-0.

HB 3 endaði væl

Tað var eitt munandi meira tendrað HB3 lið, ið vitjaði oddaliðið í bólki 15 Trauma IF. Hóast Trauma kom á odda beinanvegin, so javnaði okkara Helgi beinanvegin til 1-1. Hálvleiksstøðan 3-1 var tí heldur ikki serliga sígandi fyri leikgongdina.

Seinni hálvleik vardu vit væl og høvdu eisini onkran møguleika móti máli.

Men tað var oddaliðið, ið tryggjaði sigurin og fyrsta plássið í bólkinum við at økja til endastøðuna 4-1.

Vónirnar eru nú góðar fyri dystinum í morgin, tá HB3 tekur ímóti norsku Fossdal IF

Dystirnir í morgin:

Kl. 9:30 HB 2 á bana 6 móti Vidar FK
Kl. 11:30 HB 1 á bana 25 móti Amman
Kl. 12:30 HB 3 á bana 7 móti Fossum IF

HB 1 vann sín bólk

HB 1 helt fram við góða spælinum og vann sannførandi bólk 16 við trimum sigrum, tá teir vunnu á Vidar FK úr Noregi.

Hálvleiksstøðan var 0-3 til okkara eftir eitt sjálvmál og mál frá Símun og Hanusi. Í seinna hálvleiki megnaði Vidar at koma betur við og skoraði tvey mál afturat, meðan okkara Sveinur skoraði føroyska málið.

Beint nú spælir HB 3 móti Trauma IF.

Ímorgin eru 16. parts finalur á skránni.

HB 2 fekk annan sigurin í dag

HB lið 2 hevur júst spælt sín síðsta dyst, móti norsku Marnardal IL. Okkara dreingir komu framum 4-0 í fyrsta hálvleiki. Men Marnardal minkaði um munin til 4-1, ið var hálvleiksstøðan.

Í seinna hálvleiki settu Marnardal ein leikara, ið neyvan var undir 16 ár á vøllin, við sínum 1 metur og 80 sentimetrum gjørdi hann allan munin. Okkara dreingir vóru tó stinnir og norska liðið fekk ikki meira enn 3-4 burturúr sínum ósportliga atburði. Altso ein sigur til okkara dreingir.