Fløgan hjá Poppkorn lá á triðjovastu rók á sølulistanum hjá 3’aranum fyri 2005, hetta hóast fløgan ikki varð givin út fyrr enn í desember. Hetta er sera flott, men fløgan selur eisini væl í øðrum handlum umframt at fleiri virkir hava keypt fløgur. Samlaða tali fyri 2005 er sambært umboðsmanninum hjá bólkinum Eyðfinn Jensen 2.700 eintøk.
Til samanberingar hevur fløgan, ið lá ovast á listanum hjá 3’aranum “Alt” hjá Kim Hansen selt 2.400 eintøk. Eyðfinn sigur, at Poppkorn fløgan enn selur væl, og at tey 3000 eintøkini, ið vóru gjørd í fyrstu atløgu, skjótt eru uppi.
Poppkorn er fimm ungar gentir av Sandi. Bólkurin spældi fyrstu ferð á MjúS festivalinum í heimbygdini. Tær hava síðan spælt á konsertum og festivalum kring allar Føroyar. Aftan fyri genturnar standa gomlu poppsamstarvsfelagarnir Eyðfin Jensen og Kári Jacobsen. Poppkorn er í uppskoti til planetina fyri besta nýggja.