Heiðrikur tulkar føroyska sangskattin

Alt fleiri bólkar og einstaklingar kring allan heim geva tónleik út á alnetinum. Nýggjasta føroyska útgávan av hesum slagi er við Heiðriki á Heygum.  Talan er um átta kendar føroyskar sangir, tulkaðar av Heiðriki. Her er løg sum Átjan og Saknur hjá Hanusi og Poul F., Í tínum eygum hjá Martin Joensen, Í búri hjá Teimum á Kamarinum og Eitt dýpi av dýrari tíð hjá Elin Heinesen.

 

Løgini eru nýtímansgjørd eitt sindur, hava fingið nýggjan ham. Hann syngur tey inniliga og vakurt, og talan er um sera friðarligan tónleik. Tankarnar leita eitt sindur til Chris Isak. Hetta er ein góður sangari og røddin er berandi liðurin í øllum løgunum. Í millum øll tey kendu løgini er eisini lagið Vetrargestur, ið Heiðrikur sjálvur hevur skrivað.

 

Til ber at hoyra tónleikin á www.soundlift.com/heidrik

Leave a Reply

Your email address will not be published.