Lena Andersen á Spot Festivalinum

Lena Andersen verður partur av verkætlanini Nordic Cowriters. Hon skal í vikuni áðrenn Spot Festivalin at skriva nýggjan tónleik saman við øðrum sangskrivarum og framføra nýggju løgini á sjálvum festivalinum

Spot festivalurin í Århus er ein tann týdningarmiklasti ídnaðarfestivalurin í Norðurlondum. Í fjør luttóku fleiri føroysk nøvn, nú er greitt at aftur í ár verða Føroyar umboðaðar, Lena Anderssen er komin á skránna.

 

Spot festivalurin hevur leingi givið singer/songwriter tónleikagreinini gott pláss á festivalinum. Teitur er eitt av nøvnunum, ið festivalurin hevur hjálpt fram innan hesa grein.

Innan fyri karmarnar á Spot festivalinum verður skipað fyri verkætlanini Nordic Cowriters, her skulu 12 tónlistafólk í pørum um at skriva sangir saman í vikuni áðrenn festivalin verður, á einum staði har tey ikki verða órógvað av umheiminum. Úrslitið av hesum samstørvum verður síðan framført á festivalinum. Í fjør luttók Høgni Lisberg á hesi verkætlan.
Í ár vera umframt Lenu, danirnir Helgi Jonsson, CS Nielsen, Jimmi Andersen, Sara Grabow, Kajsa Vala og Mads Langer, grønlendski Angu Motzfeldt, norsku Marte Wulff og Thom Hell og svenska Josefina Sanner.

Leave a Reply

Your email address will not be published.