Hatesphere á G!

Danski treskimálmsbólkurin Hatesphere  spælir á ársins G!Festivali, hetta boðar frá einum sera aggresivum ískoyti til ársins festival.

 

Hatespehere hevur fleiri ferðir vunnið heiðurslønina fyri bestu útgávu á Danish Metal Awards, umframt fleiri aðrar heiðurslønir, so sum besti konsertbólkur. Í næstum kemur 5. fløgan hjá bólkinum, og í hesum sambandi er bólkurin á longri konsertferð, og sambært myspace síðuni hjá bólkinum gongur henda konsertferð til Føroyar.

Hatesphere hevur síðan bólkurin varð stovnaður í 2001, arbeitt hart á konsertferðum kring heimin. Hesi árini hevur bólkurin ferðast sum  upphitingarbólkur fyri nógvar gamlar málmsrisar so sum Testament, Exodus, Crowbar, Kreator og Morbid Angel.

Við Hatesphere er talan um veruliga harðan tungmálmstónleik, ið verður serveraður við buldur og brak. Vit fingu ikki fatur á G! fyrireikarunum í morgun, og tí hevur festivalurin enn ikki váttað navnið.

Vitjað Hatesphere á myspace.com/hatesphere

Leave a Reply

Your email address will not be published.