Gløgt er gestsins eyga sigst, og vit elska eisini at sleppa at síggja okkum sjálvi gjøgnum eyguni hjá gestunum. Italski skotin Jock Zanfrillo eigur tvær matstovur í Adelaide í Avstralia og ferðast kring heimin fyri at finna nýggjar matupplivingar, við sær hevur hann eitt filmslið, og verða sendingarnar senda á Quest TV.
Herfyri var hann í Føroyum og fekk sær íblástur til eitt Føroya kvøld á eini av matstovum sínum, har hann millum annað borðreiddi við følskum spiki og blóðdesert.
Dagsins kalendaragáva er møguleikin til at síggja sendingina.
Góðu fittu Nudlalesarar
Nú í jólamánaðinum, er ein jólakalendari er á hvørjum horni. Mær so líkt, so vil eg ikki skilja meg burturúr, so sjálvandi er eisini ein jólakalendari her á Nudlum.
Hvønn dag fram til jóla deili eg okkurt gott við tykkum. Tað kann vera ein góður sangur, ein góð mynd, ein yrking, eitt viðmæli, ein leinkja, eitt filmklipp, ein søga, ein gáta ella okkurt heilt annað.
Seinastu 19 árini ella so, havi eg havt pakkakalendarar til synir mínar, líltar gávur, summar jólaligar, aðrar ikki so jólaligar. Soleiðis verður eisini her á Nudlum.
Vónandi tíma tit at vitja aftur, um ikki hvønn dag, so næstan hvønn dag, eg kann enntá lova, at summi klipp ella sangir vera somikið góð, at tit saktans kunnu vitja fleiri ferðir hvønn dag.
Tykkum ynskist ein góður jólamánaði.
Jólanissi