Eg haldi, at Jon er so stuttligur, og elski at sleppa at deila hann við tykkum. Hetta er sunnudagsbitin hesaferð. Hygg og flenn, um tú tímur.
Onkuntíð dettur man um okkurt á alnetinum, ið sigur yeah! Sumt er somikið gott, at tað er vert at deila við tykkum. Hetta eru sunnudagsbitar.
Eg veit enn ikki, hvør stendur aftan fyri, men hetta er sera áhugavert. Á leikvøllunum hjá í øllum førum Chelsea, Juventus og Bayern vóru hetta vikuskiftið hettuklæddir persónar, ið síggjast á myndini, ið eg havi lánt frá Football Streaming. Harafturat eru variantar av kornrundingunum komnir á fótbóltsvenjingarvøllirnar á Hackney Marshes fyrr í vikuni. Har lá ein stórur bóltur við sama logo, sum tey hettuklæddu hava, umframt 2000 smærri bóltar við sama logo. Kampnjan eitur “The Winner Takes Earth” ella vinnarin tekur heimin.
Eg undraðist eitt sindur á, hví Franz Beckenbauer var á Stamford Bridge í dag, men opinbart hevði tað okkurt við sama mál at gera, tí hann hevur í gjár sent út hesa videoina. Um at vit skulu bjarga heiminum við at spæla fótbólt móti rúmdarverum, tapa vit, verður heimurin oyðilagdur.
Hetta er framúr undirhaldandi, og tit kunnu lesa meira um tað á goal.com.
Livst so spyrst, um hvør stendur aftanfyri.
