Victoria Beckham hevur sambært bt.dk givið kvinnum um allan heim ráð um hvussu man skorar ein mann. Í eini samrøðu við bretska blaðið The Sun sigur fyrrverandi kryddgentan, at lættasti máti at lokka ein mann, er við at lata seg í t-troyggju, strammar kovboybuksir og høghalaðar skógvar.
So vita vit hvat David Beckham dámar, so er spurningurin hvat henda útsøgn fer at gera við søluna av høghalaðum skón, kovboybuksum og t-troyggjum, kanska serliga í Madrid.
Um alt kongaríkið verður gitt, hvat lítli prinsurin fer at eita, men nú ber eisini til at vinna ella tapa pening, meðan man gitur.
Kongshúsið
Nú kongaligi barnadópurin verður í vikuskiftinum eru gitingarnar nógvar um, hvat lítli prinsurin fer at eita. Eisini veddingarfyritøkurnar bjóða seg fram, og til ber at vedda um alskyns nøvn, men oddsini eru sera ymisk.
Jp.dk hevur hugt at oddsunum hjá veddingarfyritøkuni bet24. Niðast á listanum við hægstu oddsunum eru nøvnini Johnny og Brian, ið geva peningin aftur 500 ferðir. Pápi Mary eitur annars John, so Johnny er kanska ikki eitt heilt burturvið git. Væntandi fer prinsurin at hava 4 nøvn.
Til ber ikki at vedda um drongurin fer at eita Christian, tí sambært veddingarfyritøkuni er eingin ivi um, at Christian verður eitt av nøvnunum. Til ber at vedda um navnið Frederik, men hetta er navnið við lægstu oddsunum 1,3, Henrik hevur odds 1,75 eins og gamla konganavnið Valdemar. Navnið Abel, ið eingin kongur hevur itið síðan ár 1250 er sambært B24 eins ósannlíkt sum Johnny og Brian. Gorm, ið er kent danskt konganavn gevur peningin 100 ferðir aftur, skrivar jp.dk.
Barnadópurin verður í Christiansborg Slotskirke leygardagin, Sjónvarpi samsendur við Danmarks Radio frá kl. 6-13 leygarmorgunin.
Eclipse brýtur upp úr nýggjum innan ølsølu, og er fari undir at selja jólaøl við egnari etikett. Á etikettini er mynd av teimum báðum jólastripparunum, sum koma til Føroyar í 25. og 26. november at strippa í Eclipse.
Ølin er sambært Eclipse bryggja av jólakærleiksekstraktum við heilt serligum jólakærleika. At føroyingum dámar henda jólakærleika, sóu vit sjón fyri søgn hetta vikuskiftið, tí sølan av serligu jólaølini byrjaði fríggjakvøldið, og sambært Eclipse varð ølin sera væl móttikin.
